ⵉⴳⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴰⴳⵎⴰⵎ ⴰⵎⴰⵢⵏⵓ ⴳ ⵜⵓⴳⵜⵜ ⵏ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ, ⵃⵎⴰ ⴰⴷ ⵉⵎⵓⵏ ⴷ ⵜⵎⵙⴰⵔⵉⵏ ⵜⵉⵎⴰⵢⵏⵓⵜⵉⵏ  ⵉⵥⵍⵉⵏ ⵙ ⵓⴳⴳⵉⵡⵙ ⵏ ⵓⵥⵕⴼ ⴰⴳⴷⵓⴷⴰⵏ ⴷ ⵓⵎⵔⴰⵔⴰ ⵏ ⵜⵎⴰⵙⵙⴰⵏⵉⵏ ⴷ ⵉⵔⵉⵎⵏ ⴷ ⵉⴳⵉⵜⵏ ⵉⵎⵓⴼⴰⵢⵏ ⴰⴽⴷ ⵉⴳⵔⴰⵡⵏ ⵏ ⵓⴳⴳⵉⵡⵙ ⵍⵍⵉ ⵜ ⵉⵔⵡⴰⵙⵏ..

1. ⵜⴰⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⴰⵎⴰⵜⴰⵢ ⴷ ⵜⵎⵙⵙⵉⴹⵏⵜ (ⵉⵏⵜⵓⵙⴰⵢ)

ⵉⴳⴰ ⵓⵙⵇⵇⵉⵎ ⴰⴳⵎⴰⵎ ⴳ ⵙⵏⴰⵜ ⵜⵙⵇⵇⵉⵎⵉⵏ ⵊⴰⵊ ⵏ ⵉⵏⵜⵓⵙⴰⵢ:

• ⵜⴰⵙⵇⵇⵉⵎⵜ ⵏ ⵜⵓⵚⴽⴰ ⵏ ⵜⵣⵎⵎⴰⵔ
• ⵜⴰⵙⵇⵇⵉⵎⵜ ⵏ ⵓⵎⵔⴰⵔⴰ ⵏ ⵜⵎⵓⵣⴰⵢⵉⵏ

ⵖⵉⴽⵍⵍⵉ ⵉⴳⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴰⴳⵎⴰⵎ ⴳ ⵜⵓⴳⵜⵜ ⵏ ⵜⴳⵔⵓⵎⵎⵉⵏ ⵏ ⵜⵡⵓⵔⵉ ⴳ ⵜⵎⴰⴷⴷⴰⵙⵜ ⴰⴷ:

• ⵜⴰⴳⵔⵓⵎⵎⴰ ⵏ ⵜⵡⵓⵔⵉ ⵉⵜⵜⵓⵙⵎⴰⴳⵍⵏ ⵙ ⵓⴳⴳⵉⵡⵙ ⴰⵡⵏⴹⴰⵏ (WGEA, Working Group on Environmental Auditing), ⵍⵍⵉ ⵎⵓ ⵉⴳⴰ ⵓⵙⵇⵇⵉⵎ ⴰⴳⵎⴰⵎ ⴳ ⵜⵙⵇⵇⵉⵎⵜ ⵏ ⵜⵏⴰⵔⴰ ⵏⵏⵙ, ⴷ ⵓⴳⵎⴰⵎ ⴳ ⵜⵙⵇⵇⵉⵎⵜ ⵜⴰⵎⵣⵣⴳⴰⵔⵜ ⵏ ⵓⵙⵏⴼⴰⵔ ⵏ ⵓⴳⵔⴰⵡ ⵏ ⵓⵚⵚⴼⴹ ⵏ ⵓⵏⵣⵡⵉ, ⵍⵍⵉ ⵅⴼ ⵜⵍⵍⴰ ⵜⴳⵔⵔⵓⵎⴰ ⵏ ⵜⵡⵓⵔⵉ ⵍⵍⵉ ⴰⴷ ⵉⵜⵜⴰⵡⴱⴷⴰⵔⵏ
• ⵜⴰⴳⵔⵓⵎⵎⴰ ⵏ ⵜⵡⵓⵔⵉ ⵉⵜⵜⵓⵙⵎⴰⴳⵍⵏ ⵙ ⵓⵙⴱⴷⴷⵉ ⵏ ⵓⴳⵓⴼⵙⵓ ⴷ ⵉⵔⵉⴷ ⵏ ⵉⴷⵔⵉⵎⵏ (WGFACML, Working Group on the Fight Against Corruption and Money Laundering)
• ⵜⴰⴳⵔⵓⵎⵎⴰ ⵏ ⵜⵡⵓⵔⵉ ⵉⵜⵜⵓⵙⵎⴰⴳⵍⵏ ⵙ ⵉⵡⵜⵜⴰⵙⵏ ⵏ ⵜⴳⵎⵉ ⵜⴰⵙⵓⵍⴰⵏⵜ ⴷ ⵉⵏⵎⵎⴰⵍⵏ ⵉⴷⵙⵍⴰⵏⵏ ⵏ ⵜⴳⵎⵉ ⵜⴰⵙⵓⵍⴰⵏⵜ (WGSDG, KSDI Working Group on SDGs and Key Sustainable Development Indicators).
• ⴰⵙⴳⵔⴰⵡ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⵉⵍⴰⵏ ⵜⵉⵥⵍⴰⵢⵉⵏ ⵜⵉⵏⵣⵔⴰⴼⵉⵏ
• ⵜⴰⴳⵔⵓⵎⵎⴰ ⵏ ⵜⵡⵓⵔⵉ ⵏ ⵉⵏⵜⵓⵙⴰⵢ ⵉⵜⵜⵓⵙⵎⴰⴳⵍⵏ ⵙ ⵓⵔⴳⴳⵉⴳ ⴰⵥⵕⴼⴰⵏ ⴷ ⵓⴷⵎⵙⴰⵏ (WGFES, Working Group on Financial and Economic Stability).
• ⵜⴰⴳⵔⵓⵎⵎⴰ ⵏ ⵜⵡⵓⵔⵉ ⵉⵜⵜⵓⵙⵎⴰⴳⵍⵏ ⵙ ⵓⵙⵓⵜⴳ ⵏ ⵜⵙⵔⵜⴰⵢ ⴷ ⵉⵖⴰⵡⴰⵙⵏ ⵉⵎⴰⵜⴰⵢⵏ (WGEPPP, Working Group on Program and Public Policies Evaluation). 

ⵜⴰⵙⵏⵜⴰⵢⵜ ⵏ ⵜⴳⵎⵉ ⵏ ⵉⵏⵜⵓⵙⴰⵢ (IDI)

ⴰⵔ ⵉⴷⵔⵔⵓ ⵓⵙⵇⵇⵉⵎ ⴳ ⵓⵖⴰⵡⴰⵙ ⵏ ⵜⵓⵛⵛⵔⴽⴰ ⵏ ⵓⵙⴷⵓⵙ ⵉⵜⵜⵖⴰⵡⴰⵍⵏ ⵏ ⵉⵏⴳⴳⵯⴰ (PAP-APP), ⵍⵍⵉ ⵎⵓ ⵏⵏ ⵉⵡⴰⵍⴰ ⵓⵣⴷⴷⵓⵢ ⵏⵏⵙ ⵉ ⵜⵙⵏⵜⴰⵢⵜ ⵏ ⵜⴳⵎⵉ ⵏ ⵉⵏⵜⵓⵙⴰⵢ, ⵙ ⵜⵖⴰⵔⴰⵙⵜ ⵏ ⵓⵙⴷⵓⵙ ⵏ ⵉⵙⵏⴼⴰⵔⵏ ⴰⴷ ⵉⵥⵍⵉⵏ ⵙ:

• ⴰⵙⵏⴼⴰⵔ ⵏ ⵓⵙⴷⵓⵙ ⵏ ⵜⵣⵎⵎⴰⵔ ⵏ ⵜⵙⵏⴱⴹⴰⵢⵜ ⵏ ⵉⵙⵉⴹⵏⵏ ⴳ ⵜⴳⴷⵓⴷⴰⵏⵜ ⵏ ⵎⴰⴷⵖⴰⵛⵇⴰⵔ, ⵉⵍⵍⴰⵏ ⵏⴳⵔ 2020-2025
• ⴰⵙⵏⴼⴰⵔ ⵏ ⵓⵙⴷⵓⵙ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴳ ⵖⵉⵏⵢⴰ ⴷ ⵏⵏⵉⵊⵉⵔ ⴷ ⵟⵟⵓⴳⵓ, ⵉⵡⴰⵜⵜⵙⵏ ⴰⵣⵣⴳⵉⵔ ⵏ ⵜⴽⵍⵉ ⵜⵉⵙ ⵙⵏⴰⵜ ⵏ ⵓⵖⴰⵡⴰⵙ ⵏ ⵓⵙⴷⵓⵙ ⵉⵜⵜⵖⴰⵡⴰⵍⵏ ⵏ ⵉⵏⴳⴳⵯⴰ (PAP-APP)

2.  ⵜⴰⵎⴰⴷⴷⴰⵙⵜ ⵜⴰⵄⵕⴰⴱⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⴷ ⵜⵎⵙⵙⵉⴹⵏⵜ (ⴰⵕⴰⴱⵓⵙⴰⵢ)

ⴰⵔ ⵉⵙⵙⵉⵅⵉⴼ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵜⴰⵙⵇⵇⵉⵎⵜ ⵏ ⵓⴳⴳⵉⵡⵙ ⵏ ⵜⴳⵎⵉ ⵜⴰⵙⵓⵍⴰⵏⵜ, ⵉⴳ ⴰⵡⴷ ⴰⴳⵎⴰⵎ ⴳ ⵜⵓⴳⵜⵜ ⵏ ⵜⵙⵇⵇⵉⵎⵉⵏ ⴰⴷ:

• ⵜⴰⵙⵇⵇⵉⵎⵜ ⵏ ⵜⴳⵎⵉ ⵏ ⵜⵣⵎⵎⴰⵔ ⵜⵉⵎⵔⵙⴰⵍ
• ⵜⴰⵙⵇⵇⵉⵎⵜ ⵏ ⵉⵙⴱⴷⴰⴷⵏ ⵉⵣⵣⵓⵍⴰⵏⵏ ⴷ ⵡⵉⵏ ⵓⴳⴳⵉⵡⵙ
• ⵜⴰⵙⵇⵇⵉⵎⵜ ⵏ ⵓⴳⴳⵉⵡⵙ ⵏ ⵜⴰⵜⵉⴽⵏⵓⵍⵓⵊⵉⵜ ⵏ ⵡⵓⵎⵍⴰⵏ

3.  ⵜⴰⵎⴰⴷⴷⴰⵙⵜ ⵜⴰⴼⵔⵉⵇⵉⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⴷ ⵜⵎⵙⵙⵉⴹⵏⵜ (ⴰⴼⵕⵓⵙⴰⵢ)

ⴰⵔ ⵉⵙⵙⵉⵅⵉⴼ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵙ ⵜⵎⵓⵔⴰⵢⵜ, ⵜⴰⵙⵇⵇⵉⵎⵜ ⵏ ⵓⵙⴷⵓⵙ ⵏ ⵜⵎⵎⴰⵔ ⵜⵉⵎⵔⵙⴰⵍ, ⵉⴳ ⴰⵡⴷ ⴰⴳⵎⴰⵎ ⴳ ⵜⵙⵇⵇⵉⵎⵜ ⵏ ⵓⵙⴷⵓⵙ ⵏ ⵜⵣⵎⵎⴰⵔ ⵜⵉⵎⵔⵙⴰⵍ ⴷ ⵜⵏⴰⵥⵓⵕⵉⵏ.

4.  ⵜⴰⵎⵓⵏⵜ ⵜⴰⴼⵔⵉⵇⵉⵜ

ⵉⴳⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴰⴳⵎⴰⵎ ⴰⵎⵖⵍⴰⵍ ⴳ ⵓⵙⵇⵇⵉⵎ ⵏ ⵉⵎⵣⵣⵔⴰⵢⵏ ⵉⴱⵕⵕⴰⵏⵉⵏ ⵏ ⵜⵎⵓⵏⵜ ⵜⴰⴼⵔⵉⵇⵉⵜ

5.  ⵜⴰⵎⵙⵎⵓⵏⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⵉⵛⵛⴰⵔⵏ ⴳ ⵓⵙⵎⵔⵙ ⵏ ⵜⴼⵕⴰⵏⵙⵉⵙⵜ (ⴰⵢⵙⴳⵓⴼ)

ⵉⴳⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴰⴳⵎⴰⵎ ⴳ ⵜⵎⵙⵎⵓⵏⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⵉⵛⵛⴰⵔⵏ ⴳ ⵓⵙⵎⵔⵙ ⵏ ⵜⴼⵕⴰⵏⵙⵉⵙⵜ, ⵏⵏⴰ ⵢⵓⵎⴰⵏ 40 ⵏ ⵓⴳⵔⴰⵡ ⵏ ⵓⴳⴳⵉⵡⵙ ⴰⵥⵕⴼⴰⵏ ⴰⴳⴷⵓⴷⴰⵏ ⵙⴳ ⵜⵓⴳⵜⵜ ⵏ ⵜⵎⵉⵣⴰⵔ ⵉⵙⴰⵡⴰⵍⵏ ⵜⴰⴼⵕⴰⵏⵙⵉⵙⵜ.