ⴰⵙⵏⵎⴰⵍⴰ ⴷ ⵓⵙⵡⵓⴷⴷⵓ
ⴰⵔ ⵉⵙⵎⵓⵏⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵉⵏⴱⴹⴰ ⵅⴼ ⵉⵜⵜⴰⵡⵣⵣⴳⴰⵔ ⵓⵏⴳⵔⴰⵡ ⴰⴷⵙⵍⴰⵏ ⵉⵜⵜⴰⵡⴱⴷⴰⵔⵏ ⴳ ⵓⴷⵍⵉⵙ ⵡⵉⵙ ⴽⵕⴰⴹ ⵏ ⵓⵙⵍⴳⵏ ⵓⵟⵟⵓⵏ 62.99 ⵉⵥⵍⵉⵏ ⵙ ⵜⵓⴳⵔⵉⵡⵜ ⵏ ⵜⵙⵏⴱⴹⴰⵢⵉⵏ ⵜⵉⵥⵕⴼⴰⵏⵉⵏ :
ⴰⵔ ⵉⵙⵎⵓⵏⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵉⵏⴱⴹⴰ ⵅⴼ ⵉⵜⵜⴰⵡⵣⵣⴳⴰⵔ ⵓⵏⴳⵔⴰⵡ ⴰⴷⵙⵍⴰⵏ ⵉⵜⵜⴰⵡⴱⴷⴰⵔⵏ ⴳ ⵓⴷⵍⵉⵙ ⵡⵉⵙ ⴽⵕⴰⴹ ⵏ ⵓⵙⵍⴳⵏ ⵓⵟⵟⵓⵏ 62.99 ⵉⵥⵍⵉⵏ ⵙ ⵜⵓⴳⵔⵉⵡⵜ ⵏ ⵜⵙⵏⴱⴹⴰⵢⵉⵏ ⵜⵉⵥⵕⴼⴰⵏⵉⵏ :
ⴰⵔ ⵉⵙⴽⴰⵔ ⵓⵏⵙⵙⵉⵅⴼ ⴰⵎⵣⵡⴰⵔⵓ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⵙⴰⵙⴰ ⴷ ⵓⵖⵜⵜⵓⵙ ⵏⵉⵖ ⵜⴰⵖⵜⴰⵙⵜ ⵏⵉⵖ ⴰⵏⴰⴹ ⵏⵉⵖ ⵜⴰⵎⵙⵙⴽⵜⵉⵜ ⵜⴰⵎⵖⴰⵡⵍⵜ. ⴰⵔ ⵉⵙⴽⴰⵔ ⵜⵉⵙⵎⵉⴳⴰⵍ ⵏ ⵓⴱⴷⴰⴷ ⴰⵎⴰⵜⴰⵢ ⵅⴼ ⵓⵙⵇⵇⵉⵎ ⴷ ⵓⵙⵏⵎⴰⵍⴰ ⵏ ⵜⵡⵓⵔⵉⵡⵉⵏ ⵏⵏⵙ ⴷ ⵓⵙⵡⵓⴷⴷⵓ ⵏ ⵜⵎⵙⵙⵓⴳⵓⵔⵜ ⵏⵏⵙ, ⴰⵡⴷ ⴰⵣⴷⴷⵓⵢ ⵏ ⵜⵡⵓⵔⵉⵡⵉⵏ ⵏ ⵉⵙⵇⵇⵉⵎⵏ ⵉⵏⵎⵏⴰⴹⵏ. ⵎⴽⴷⴰ ⵉⵙⵖⵣⴰⵏ ⴰⵖⴰⵡⴰⵙ ⴰⵙⴳⵯⵙⴰⵏ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⵏⵏⴰ ⵉⵜⵜⴰⵡⵙⴽⴰⵔⵏ ⴷ ⵉⵜⵜⴰⵡⵥⵍⴰⵢⵏ ⵙⴳ ⵜⵏⵉⵍⴰ ⵏ ⵜⵙⵇⵇⵉⵎⵜ ⵏ ⵉⵖⴰⵡⴰⵙⵏ ⴷ ⵜⴰⵏⴰⴹⵉⵏ, ⵎⴰⵢⴰ ⴷ ⵙ ⵓⵣⴷⴷⵓⵢ ⴷ ⵓⴳⵏⵙⴰⵙ ⴰⵎⴰⵜⴰⵢ ⵏ ⵓⴳⵍⵍⵉⴷ ⵖⵔ ⵓⵙⵇⵇⵉⵎ ⴳ ⵎⴰⴷ ⵉⵥⵍⵉⵏ ⵙ ⵜⵎⵙⵍⴰⵢⵉⵏ ⵉⵣⴷⵉⵏ ⴷ ⵜⵥⵍⴰⵢⵉⵏ ⵜⵉⵏⵣⵔⴰⴼⵉⵏ.
ⴰⵎ ⴽⵓ ⴰⴳⵔⴰⵡ ⴰⵏⵣⵔⴰⴼ, ⵉⵍⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵜⴰⵎⵓⵔⴰⵢⵜ ⵜⴰⵎⴰⵜⴰⵢⵜ ⵏⵏⴰ ⵖⵉⴼⵙ ⵉⵜⵜⴱⴷⴰⴷ ⵓⴳⵏⵙⴰⵙ ⴰⵎⴰⵜⴰⵢ ⵏ ⵓⴳⵍⵍⵉⴷ, ⴰⵔ ⴰⵙ ⵜⵜⴰⵡⵙⵏ ⵉⵎⵙⵜⴰⵏⵏ ⵉⵎⴰⵜⴰⵢⵏ.
ⴰⵔ ⵉⵙⴽⴰⵔ ⵓⴳⵏⵙⴰⵙ ⴰⵎⴰⵜⴰⵢ ⵏ ⵓⴳⵍⵍⵉⴷ ⵜⵉⵙⵎⵉⴳⴰⵍ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⵙ ⵓⵙⵔⵓⵙ ⵏ ⵜⵎⵙⵍⴰⵢⵉⵏ ⵏⵉⵖ ⵉⵍⴰⵖⴰⴷⵏ, ⴷ ⴰⵔ ⵉⵙⴽⴰⵔ ⵜⵉⵙⵎⵉⴳⴰⵍ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⵖⴰⵙ ⴳ ⵜⵎⵙⵍⴰⵢⵉⵏ ⵜⵉⵏⵣⵔⴰⴼⵉⵏ ⵍⵍⵉ ⵏⵏ ⵉⵡⴰⵍⴰ ⵓⵙⵇⵇⵉⵎ ⴰⴷ ⵜⵜⵏⵜ ⵉⵣⵣⵔⵉ. ⵎⴽⴷⴰ ⵉⵣⴷⴷⵉ ⴷ ⴰⵔ ⵉⵜⵜⴹⵓⴼ ⵜⴰⵡⵓⵔⵉ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⵖⵔ ⵉⵙⵇⵇⵉⵎⵏ ⵉⵏⵎⵏⴰⴹⵏ.
ⴰⵔ ⵉⵙⵡⵓⵔⵓⵢ ⵉⵎⵉⵔⵉ ⴰⵎⴰⵜⴰⵢ ⵏ ⵓⵙⵇⵇⵉⵎ ⵃⵎⴰ ⴰⴷ ⵜⵜⵢⴰⵣⴰⵏⵏ ⵉⵙⵉⴹⵏⵏ ⴷ ⵜⵏⵜⴰⵎⵉⵏ ⴷ ⵡⴰⵔⵔⴰⵜⵏ ⵉⵜⵜⴰⵡⴱⴷⴰⵔⵏ ⴳ ⵜⵓⴳⵔⵉⵡⵜ ⵏ ⵜⵙⵏⴱⴹⴰⵢⵉⵏ ⵜⵉⵥⵕⴼⴰⵏⵉⵏ ⵙⴳ ⵜⵏⵉⵍⴰ ⵏ ⵉⵎⵏⵜⴰⵢⵏ ⴳ ⵉⵣⵎⴰⵣ ⵉⵜⵜⴰⵡⵥⵍⴰⵢⵏ, ⴷ ⴰⵔ ⵉⵙⵏⵖⵎⴰⵙ ⴰⴳⵏⵙⴰⵙ ⴰⵎⴰⵜⴰⵢ ⵏ ⵓⴳⵍⵍⵉⴷ ⵙ ⴽⵓ ⴰⵙⵏⴱⵓⵜⵜⵍ ⴳ ⵎⵏⵉⴷ ⴰⴷ.
ⴷ ⴰⵔ ⵉⵜⵜⴰⵡⵙ ⵉ ⵓⵏⵙⵙⵉⵅⴼ ⴰⵎⵣⵡⴰⵔⵓ ⴳ ⵓⵣⴷⴷⵓⵢ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴷ ⵓⵙⵡⵓⴷⴷⵓ ⵏ ⵜⴳⵉⵡⵔⵉⵏ ⵏ ⵉⴳⵔⴰⵡⵏ ⵏ ⵓⵙⵇⵇⵉⵎ. ⴰⵡⴷ ⴰⵔ ⴰⵙ ⵉⵜⵜⴰⵡⵙ ⴳ ⵓⵣⴷⴷⵓⵢ ⵏ ⵜⵡⵓⵔⵉⵡⵉⵏ ⵏ ⵉⵙⵇⵇⵉⵎⵏ ⵉⵏⵎⵏⴰⴹⵏ.
ⵉⵥⴹⴰⵕ ⵓⵏⵙⵙⵉⵅⴼ ⴰⵎⵣⵡⴰⵔⵓ ⴰⴷ ⴰⵙ ⵉⵣⵣⵔⵉ ⴰⵙⴳⵎⴹ ⵏⵏⵙ ⵙ ⵢⴰⵜ ⵜⵖⵜⴰⵙⵜ ⴳ ⵜⵖⴰⵡⵙⵉⵡⵉⵏ ⵍⵍⵉ ⵉⵣⴷⵉⵏ ⴷ ⵓⵙⵡⵓⴷⴷⵓ ⵏ ⵉⵎⵙⵖⴰⵏⵏ ⵏ ⵜⵙⵏⴱⴹⴰⵢⵉⵏ ⵜⵉⵥⵕⴼⴰⵏⵉⵏ.
ⴰⵔ ⵏⵏ ⵉⵜⵜⵡⴰⵍⴰ ⴷⴷⵓ ⵏ ⵜⵏⴱⴰⴹⵜ ⵏ ⵓⵏⵙⵙⵉⵅⴼ ⴰⵎⵣⵡⴰⵔⵓ, ⴰⵙⵡⵓⴷⴷⵓ ⵏ ⵜⵏⵓⴼⴰ ⵜⵉⵎⵙⵙⵓⴳⴰⵔ ⵏ ⵓⵙⵇⵇⵉⵎ ⴷ ⵜⵎⵉⵔⵉⵜ ⵏ ⵓⵣⵎⵎⴻⵎ.
ⴰⵔ ⵏⵏ ⵜⴻⵜⵜⵡⴰⵍⴰ ⵜⵎⵉⵔⵉⵜ ⵏ ⵓⵣⵎⵎⴻⵎ ⴰⵣⵎⵎⴻⵎ ⵏ ⵉⵙⵉⴹⵏⵏ ⴷ ⵜⵏⵜⴰⵎⵉⵏ ⵏ ⵜⵎⵙⵙⵉⴹⵏⵜ ⵢⴰⴹⵏ ⵉⵜⵜⴰⵡⵙⵎⵏⴰⴷⵏ ⵅⴼ ⵓⵙⵇⵇⵉⵎ, ⴷ ⵓⴱⵟⵟⵓ ⵏⵏⵙⵏ ⵅⴼ ⵜⵎⵚⵕⵉⵢⵉⵏ ⵙ ⵓⵎⵙⴰⵙⴰ ⴷ ⵓⵖⴰⵡⴰⵙ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ, ⴰⵔ ⵜⵙⵖⵣⴰⵏ ⵎⴰⵙ ⵚⵃⴰⵏⵜ ⵜⵓⵏⵖⵉⵍⵉⵏ ⴷ ⵜⵓⴳⵣⵉⵍⵉⵏ ⵏ ⵉⴱⴹⵉⵢⵏ ⵉⵏⵣⵔⴰⴼⵏ.