ⵜⴰⴷⴰⴱⵓⵜ ⵉⴱⵍⴰⵖ
ⴱⵔⵔⴽⴰⵜ ⴳ ⵜⴷⴰⴱⵓⵜ ⵏ ⵓⵙⵔⵓⵙ ⵏ ⵉⵙⵉⵡⴹⵏ
ⴰⵔ ⵉⴽⵛⵛⵎ ⵓⵙⵔⵓⵙ ⵏ ⵜⴷⴰⴱⵓⵜ ⵜⴰⵎⵓⵟⵟⵓⵏⵜ ⵏ ⵓⵙⵏⵓⴱⴳ ⴷ ⵓⵣⵣⵔⴰⵢ ⵏ ⵉⵙⵉⵡⴹⵏ ⵍⵍⵉ ⴷ ⵉⵍⴽⴽⵎⵏ ⵜⵉⵙⵏⴱⴹⴰⵢⵉⵏ ⵜⵉⵥⵕⴼⴰⵏⵉⵏ ⴳ ⵓⵙⴰⵜⵉ ⵏ ⵓⵣⵣⴳⵉⵔ ⵏ ⵉⵙⵡⴰⵍⴰⵜⵏ ⵉⵙⵜⵔⴰⵜⵉⵊⵉⵢⵏ ⵏ ⵜⵙⵏⴱⴹⴰⵢⵉⵏ ⴰⴷ ⴳ ⵜⵉⵣⵉ ⵏ 2022-2026, ⵏⵏⴰ ⵉⵡⴰⵜⵜⵙⵏ ⴰⵙⵔⵓⵙ ⵏ ⵜⵓⵙⵓⵔⵜ ⴷ ⵓⵙⴷⵓⵙ ⵏ ⵜⵎⵢⵉⵎⴰⵏⵜ ⵖⵓⵔ ⵓⵏⵎⵓⵔⵉ, ⴷ ⵓⵙⴼⵓⵍⴽⵉ ⵏ ⵜⵡⵓⵔⵉ ⵜⴰⴳⴷⵓⴷⴰⵏⵜ ⴷ ⵜⵏⵓⴼⴰ ⵉⵜⵜⴰⵡⴼⴽⴰⵏ ⵉ ⵉⵏⵎⵓⵔⴰⵏ.
ⵖⵉⴽⵍⵍⵉ ⵉⴽⵛⵎ ⵓⵙⵔⵓⵙ ⵏ ⵜⴷⴰⴱⵓⵜ ⴰⴷ ⵜⴰⵎⵓⵟⵟⵓⵏⵜ ⴳ ⵓⵙⴰⵜⵉ ⵏ ⵓⵣⵣⴳⵉⵔ ⵏ ⵜⵓⵎⴰⵢⵉⵏ ⵏ ⵓⴳⵟⵟⵓⵎ ⴰⵎⵣⵡⴰⵔⵓ ⵏ ⵓⵎⴰⴳⵔⴰⴷ 156 ⵏ ⵓⴷⵓⵙⵜⵓⵔ ⵏ ⵜⴳⵍⴷⵉⵜ, ⵍⵍⵉ ⴷ ⵢⵉⵡⵉⵏ ⵎⴰⵙ ⴰ ⵙⵏⵓⴱⵓⴳⵏⵜ ⵜⵏⵓⴼⴰ ⵜⵉⴳⴷⵓⴷⴰⵏⵉⵏ ⵉⵙⵉⵡⴹⵏ ⵏ ⵉⵏⵙⵙⵎⵔⴰⵙ ⴷ ⵜⵙⵓⵎⴰⵔ ⵏⵏⵙⵏ ⴷ ⵉⵙⵎⵓⵎⵎⵓⵢⵏ ⵏⵏⵙⵏ, ⵖⵉⴽⵍⵍⵉ ⵜⴼⵔⵔⵓ ⵜⵉⴹⴼⵕⵉ ⵏⵏⵙⵏ. ⵎⴰⵢⴰ ⵏⵏ ⴰⴼ ⴷ ⵉⵇⵇⴰⵏⵏ ⴰⴷ ⵢⵉⵍⵉ ⵓⵏⵏⵓⵕⵥⵎ ⵉⴳⴰⵏ ⴰⵅⴰⵜⴰⵔ ⵏ ⵜⵙⵏⴱⴹⴰⵢⵉⵏ ⵜⵉⵥⵕⴼⴰⵏⵉⵏ ⵅⴼ ⵉⴽⴰⵎⴷⵏ ⵏ ⵉⵏⵎⵓⵔⴰⵏ ⴷ ⵜⵎⵔⴰⵔⵓⵜ ⵜⵓⵎⵏⵉⴳⵜ ⴷⵉⴷⵙⵏ, ⵙ ⴰⵢⵍⵍⵉ ⵔⴰⴷ ⵉⵙⴷⵓⵙ ⵉⵎⵏⵣⴰⵢⵏ ⴷ ⵉⵣⴰⵍⵉⵡⵏ ⵏ ⵜⵏⵏⵓⴱⴹⴰ ⵉⵀⵢⵢⴰⵏ ⴷ ⵜⵙⵓⵙⵖⵜ ⴷ ⵜⵎⵙⵙⵉⴹⵏⵜ, ⵏⵏⴰ ⵉⴽⵛⵎⵏ ⴳ ⵡⴰⵎⵎⴰⵙ ⵏ ⵜⵙⵎⵉⴳⴰⵍ ⵜⵉⴷⵙⵜⴰⵔⵉⵏ ⵉⵜⵜⴰⵡⴼⴽⴰⵏ ⵉ ⵜⵙⵏⴱⴹⴰⵢⵉⵏ ⴰⴷ ⴳ ⵢⵉⴳⵔ ⵏ ⵓⴳⴳⵉⵡⵙ ⵢⴰⵜⵜⵓⵢⵏ ⵏ ⵓⵥⵕⴼ ⴰⴳⴷⵓⴷⴰⵏ.
.png)
.png)