ⵜⴰⵙⵜⵔⴰⵜⵉⵊⵉⵜ
ⴰⵔ ⴷ ⵜⵜⴰⵙⵉⵏ ⵉⵙⵡⴰⵍⴰⵜⵏ ⵉⵙⵜⵔⴰⵜⵉⵊⵉⵢⵏ ⵏ ⵜⵙⵏⴱⴹⴰⵢⵉⵏ ⵜⵉⵥⵕⴼⴰⵏⵉⵏ ⴳ ⵜⵉⵣⵉ ⵏ 2022-2026, ⵜⵓⵎⴰⵢⵉⵏ ⵏⵏⵙⵏ ⵙⴳ ⵉⵙⵡⴰⵍⴰⵜⵏ ⵉⴳⵍⴷⴰⵏⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⴰⴷ ⵜ ⵢⴰⵔⵉ ⵕⴱⴱⵉ, ⴰⴷ ⵜⵏ ⵉⴳⴰⵏ ⴷ ⴰⴷ ⵙⴽⴰⵔⵏⵜ ⵜⵙⵏⴱⴹⴰⵢⵉⵏ ⴰⴷ ⵜⵉⵙⵎⵉⴳⴰⵍ ⵏⵏⵙⵏⵜ ⵜⵉⴷⵙⵜⴰⵔⵉⵏ, ⵙⵍⴰⵡⴰⵏ ⴰⴽⴽⵯ ⴳ ⵜⵙⵏⵙⵉ ⵏ ⵓⴳⴳⵉⵡⵙ ⵢⴰⵜⵜⵓⵢⵏ ⵏ ⵓⵥⵕⴼ ⴰⴳⴷⵓⴷⴰⵏ, ⴰⵡⴷ ⴳ ⵢⵉⴳⵔ ⵏ ⵓⵙⴷⵓⵙ ⴷ ⵡⴰⵔⴰⵢ ⵏ ⵉⵎⵏⵣⴰⵢⵏ ⴷ ⵉⵣⴰⵍⵉⵡⵏ ⵏ ⵜⵏⵏⵓⴱⴹⴰ ⵉⵀⵢⵢⴰⵏ ⴷ ⵜⵙⵓⵙⵖⵜ ⴷ ⵜⵎⵙⵙⵉⴹⵏⵜ.
ⵉⵡⴰⵜⵜⵙ ⵓⵙⵇⵇⵉⵎ ⴰⴷ ⵉⴳ ⵢⴰⵜ ⵜⵎⵔⵙⵍⵜ ⵉⴳⴰⵏ ⴰⵣⵓⵔⵜ, ⵉⵜⵜⴰⵡⵙⵙⴰⵏⵏ ⵙ ⵜⵖⵥⵏⵜ ⵏⵏⵙ ⴷ ⵜⵣⵣⵓⵍⴰ ⵏⵏⵙ ⴷ ⵜⵓⵙⵓⵔⵜ ⵏ ⵜⵡⵓⵔⵉⵡⵉⵏ ⵏⵏⵙ. ⴷ ⴰⴷ ⵢⴰⵡⵙ ⵙ ⵜⵖⴰⵔⴰⵙⵜ ⵉⵕⵡⴰⵏ ⴳ ⵓⵙⴷⵓⵙ ⵏ ⵓⵎⵏⵣⴰⵢ ⵏ ⵜⵙⵓⵙⵖⵜ ⴷ ⵓⵙⵇⵙⵉ ⴷ ⵓⵙⴼⵓⵍⴽⵉ ⵏ ⵜⵡⵓⵔⵉ ⵜⴰⴳⴷⵓⴷⴰⵏⵜ ⴷ ⵜⵏⵓⴼⴰ ⵉⵜⵜⴰⵡⴼⴽⴰⵏ ⵉ ⵉⵏⵎⵓⵔⴰⵏ.
- ⵜⴰⵙⵉⵎⴰⵏⵜ
- ⵜⵉⵣⵣⵓⵍⴰ
- ⵜⵉⵣⴷⴳⵉ
- ⵜⵉⵙⵓⵙⵖⵜ ⴷ ⵓⵙⵇⵙⵉ
ⵜⵉⵙⵏⵙⵉ ⵏ ⵓⴳⴳⵉⵡⵙ ⵢⴰⵜⵜⵓⵢⵏ ⵏ ⵓⵥⵕⴼ ⴰⴳⴷⵓⴷⴰⵏ ⴷ ⵓⵙⵎⵏⵉⴷ ⵏ ⵜⵡⵉⵙⵉ ⵉ ⵓⴱⵕⵍⴰⵎⴰⵏ ⴷ ⵜⵏⴱⴰⴹⵜ ⴷ ⵜⵏⴱⴰⴹⵜ ⵜⴰⵏⵣⵔⴰⴼⵜ ⴳ ⵉⴳⵔⴰⵏ ⵍⵍⵉ ⵉⴽⵛⵛⵎⵏ ⴳ ⵓⵎⴰⵍⵓ ⵏ ⵜⵡⵓⵔⵉⵡⵉⵏ ⵏⵏⵙ ⵙ ⵓⵎⵙⴰⵙⴰ ⴷ ⵓⵙⵍⴳⵏ.
ⴰⵙⴷⵓⵙ ⴷ ⵡⴰⵔⴰⵢ ⵏ ⵉⵎⵏⵣⴰⵢⵏ ⴷ ⵉⵣⴰⵍⵉⵡⵏ ⵏ ⵜⵏⵏⵓⴱⴹⴰ ⵉⵀⵢⵢⴰⵏ ⴷ ⵜⵙⵓⵙⵖⵜ ⴷ ⵜⵎⵙⵙⵉⴹⵏⵜ ⴷⴰⵔ ⵓⵡⴰⵏⴽ ⴷ ⵉⵏⴳⵎⴰⵎⵏ ⵉⴳⴷⵓⴷⴰⵏⵏ, ⵙ ⵜⵖⴰⵔⴰⵙⵜ ⵏ ⵜⵙⵏⵙⵉ ⵏ ⵜⵡⵓⵔⵉⵡⵉⵏ ⵍⵍⵉ ⴰⵙ ⵉⵜⵜⴰⵡⴼⴽⴰⵏ ⵙ ⵓⵎⵙⴰⵙⴰ ⴷ ⵓⵙⵍⴳⵏ.
- ⵜⴰⵎⵔⵏⵉⵡⵜ ⵏ ⵜⵓⵙⵓⵔⵜ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ.
- ⴰⵙⴷⵓⵙ ⵏ ⵜⵕⵡⵉ ⵏ ⵜⵡⵓⵔⵉⵡⵉⵏ ⴷ ⵓⴼⴰⵔⵙ ⵏ ⵓⵙⵇⵇⵉⵎ.
- ⴰⵙⴷⵓⵙ ⵏ ⵜⵣⵎⵎⴰⵔ ⵜⵉⵣⵣⵓⵍⴰⵏⵉⵏ ⴳ ⵓⵙⵇⵇⵉⵎ.
- ⴰⵙⴱⵓⵖⵍⵓ ⵏ ⵉⵎⵢⴰⵙⵙⴰⵜⵏ ⵏ ⵓⵙⵇⵇⵉⵎ ⴰⴽⴷ ⵉⵎⴷⵔⴰⵡⵏ ⵉⵎⵏⵜⴰⵢⵏ
- ⴰⵙⴱⵓⵖⵍⵓ ⵏ ⵜⵎⴰⵎⴽⵉⵏ ⵏ ⵓⵙⵡⵓⴷⴷⵓ ⴷ ⵓⵙⵏⵎⴰⵍⴰ ⵏ ⵓⵙⵇⵇⵉⵎ.