ⴰⵙⵏⵎⴰⵍⴰ ⴷ ⵓⵙⵡⵓⴷⴷⵓ
ⴰⵔ ⵉⵙⴽⴰⵔ ⵓⵏⵙⵙⵉⵅⴼ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵖⵜⵜⵓⵙ ⵏⵉⵖ ⴰⵏⴰⴹ, ⴷ ⴰⵔ ⵏⵏ ⵉⵜⵜⵡⴰⵍⴰ ⴰⴱⴷⴰⴷ ⴰⵎⴰⵜⴰⵢ ⵅⴼ ⵓⵙⵇⵇⵉⵎ ⴰⵏⵎⵏⴰⴹ ⴷ ⵓⵙⵏⵎⴰⵍⴰ ⵏ ⵜⵡⵓⵔⵉⵡⵉⵏ ⵏⵏⵙ ⴷ ⵜⵙⵏⵙⵉ ⵏ ⵜⵥⵍⴰⵢⵉⵏ ⴰⴷ:
- ⴰⵔ ⵉⵙⵙⵉⵅⵉⴼ ⵜⵉⴳⵉⵡⵔⵉⵏ ⵏ ⵓⵙⵇⵇⵉⵎ ⴰⵏⵎⵏⴰⴹ, ⵖⵉⴽⵍⵍⵉ ⵉⵥⴹⴰⵕ ⴰⴷ ⵉⵙⵙⵉⵅⴼ ⵜⵉⴳⵉⵡⵔⵉⵏ ⵏ ⵡⴰⵢⵢⴰⵡⵏ ⵏⵏⵙ.
- ⴰⵔ ⵉⵥⵍⴰⵢ ⴰⵖⴰⵡⴰⵙ ⴰⵙⴳⵯⵙⴰⵏ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⵙ ⵜⴷⵔⴰⵡⵏ ⵏ ⵉⵏⵙⵙⵉⵅⴼⵏ ⵏ ⵡⴰⵢⵢⴰⵡⵏ, ⴷ ⵓⵣⴷⴷⵓⵢ ⴰⴽⴷ ⵓⴳⵏⵙⴰⵙ ⴰⵎⴰⵜⴰⵢ ⵏ ⵓⴳⵍⵍⵉⴷ ⴳ ⵎⴰⴷ ⵉⵥⵍⵉⵏ ⵙ ⵜⵎⵙⵍⴰⵢⵉⵏ ⵉⴽⵛⵎⵏ ⴳ ⵜⵥⵍⴰⵢⵉⵏ ⵜⵉⵏⵣⵔⴰⴼⵉⵏ ⵏ ⵓⵙⵇⵇⵉⵎ.
- ⴰⵔ ⵉⴱⵟⵟⵓ ⵜⵉⵡⵓⵔⵉⵡⵉⵏ ⵅⴼ ⵉⵎⵛⵛⵉⵡⴰⵕ.
ⴰⵔ ⵜⴻⵜⵜⵉⵍⵉ ⵜⵙⵏⵙⵉ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⴳ ⴷⴰⵔ ⵓⵙⵇⵇⵉⵎ ⴰⵏⵎⵏⴰⴹ ⵙⴳ ⵜⵏⵉⵍⴰ ⵏ ⵓⴳⵏⵙⴰⵙ ⵏ ⵓⴳⵍⵍⵉⴷ ⵏⵏⴰ ⵉⵙⵔⵓⵙ ⵙⴳ ⵉⵎⵛⵛⵉⵡⴰⵕ, ⴰⵡⴷ ⵉⵥⴹⴰⵕ ⴰⴷ ⴰⵙ ⵢⴰⵡⵙ ⵢⴰⵏ ⵓⵎⴰⵔⵉ ⵏⵉⵖ ⵎⵏⵏⴰⵡ ⵉⵎⵓⵔⴰ.
ⴰⵔ ⵉⵙⴽⴰⵔ ⵓⴳⵏⵙⴰⵙ ⵏ ⵓⴳⵍⵍⵉⴷ ⵜⵉⵙⵎⵉⴳⴰⵍ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⵙ ⵓⵙⵔⵓⵙ ⵏ ⵜⵎⵙⵍⴰⵢⵉⵏ ⴷ ⵉⵍⴰⵖⴰⴷⵏ. ⵓⵔ ⴰⵔ ⵉⵙⴽⴰⵔ ⵜⵉⵙⵎⵉⴳⴰⵍ ⴰⴷ ⵖⴰⵙ ⴳ ⵜⵖⴰⵡⵙⵉⵡⵉⵏ ⵜⵉⵏⵣⵔⴰⴼⵉⵏ, ⵍⵍⵉ ⵙ ⴷ ⵉⵇⵇⴰⵏ ⴰⴷ ⵜⵜⵏⵜ ⵉⵣⵣⵔⵉ ⵓⵙⵇⵇⵉⵎ.
ⴰⵔ ⵉⵜⵜⵣⵎⵎⴰⵎ ⵓⵎⵉⵔⵉ ⵏ ⵓⵣⵎⵎⴻⵎ ⵉⵙⵉⴹⵏⵏ ⴷ ⴽⵓ ⵜⴰⵏⵜⴰⵎⵉⵏ ⵏ ⵜⵎⵙⵙⵉⴹⵏⵜ ⵏⵏⴰ ⵉⵜⵜⴰⵡⴼⴽⴰⵏ ⵉ ⵓⵙⵇⵇⵉⵎ ⴰⵏⵎⵏⴰⴹ, ⴷ ⴰⵔ ⵜⵜⵏⵜ ⵉⴱⵟⵟⵓ ⵙ ⵓⵎⵙⴰⵙⴰ ⴷ ⵉⵖⴰⵡⴰⵙⵏ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴰⴷ. ⴰⵡⴷ ⴰⵔ ⵉⵃⵟⵟⵓ ⵉⵙⵉⴹⵏⵏ ⴰⵏⵏ ⴷ ⵜⵏⵜⴰⵎⵉⵏ ⴰⵏⵏ. ⵎⴽⴷⴰ ⵉⵙⵏⵖⵎⴰⵙ ⵙ ⵉⴱⴹⵉⵢⵏ ⴷ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴰⵏⵎⵏⴰⴹ, ⴷ ⴰⵔ ⵉⵙⵖⵥⴰⵏ ⵎⴰⵙ ⵎⵙⴰⵙⴰⵏⵜ ⵜⵓⵏⵖⵉⵍⵉⵏ ⴷ ⵜⴼⵉⴼⵖⵉⵏ ⵏ ⵜⵡⵓⵔⵉⵡⵉⵏ ⵜⵉⵏⵣⵔⴰⴼⵉⵏ