Communiqué de presse: Lancement de l’opération de renouvellement des déclarations pour la catégorie des élus des conseils locaux et des chambres professionnelles
ⴰⵔ ⵉⵜⵜⴱⵔⵔⴰⵃ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵉⵙ ⵜⴰⵎⵀⵍⵜ ⵏ ⵓⵙⵎⴰⵢⵏⵓ ⵏ ⵜⵙⴳⵓⵔⵉ ⵜⵓⵛⵛⵉⵍⵜ ⵏ ⵡⴰⴳⵍⴰ, ⵢⵓⵛⵛⵍⵏ ⴽⵓ ⵙⵉⵏ ⵉⵙⴳⴳⵯⴰⵙⵏ ⵉ ⵉⵎⵙⵜⵉⵢⵏ ⵏ ⵉⵙⵇⵇⵉⵎⵏ ⵉⴷⵖⵔⴰⵏⵏ ⴷ ⵜⵎⵚⵕⵉⵢⵉⵏ ⵜⵉⵣⵣⵓⵍⴰⵏⵉⵏ, ⵔⴰⴷ ⵜⵏⵜⵓ ⴰⵙⵙ ⴰⵎⵣⵡⴰⵔⵓ ⵏ ⴱⵕⴰⵢⵕ 2024, ⴷ ⴰⴷ ⵜⵇⵇⵉⵎ ⴳ ⵡⴰⵢⵢⵓⵔ ⴰⴷ, ⵙ ⵓⵎⵙⴰⵙⴰ ⴷ ⵉⵙⴱⴷⴰⴷⵏ ⵏ ⵓⵎⵏⵏⵉ 3 ⵏ ⵓⵎⴰⴳⵔⴰⴷ 1 ⵏ ⵓⵙⵍⴳⵏ 54.06 ⵉⵣⴷⵉⵏ ⴷ ⵓⵙⵔⵓⵙ ⵏ ⵜⵙⴳⵓⵔⵉ ⵜⵓⵛⵛⵉⵍⵜ ⵉ ⴽⵔⴰ ⵏ ⵉⵎⵙⵜⵉⵢⵏ ⵏ ⵉⵙⵇⵇⵉⵎⵏ ⵉⴷⵖⵔⴰⵏⵏ ⴷ ⵜⵎⵚⵕⵉⵢⵉⵏ ⵜⵉⵣⵣⵓⵍⴰⵏⵉⵏ ⴷ ⴽⵔⴰ ⵏ ⵉⵙⵎⵉⵍⵏ ⵏ ⵉⵎⵙⵖⴰⵏⵏ ⵏⵉⵖ ⵉⵎⴰⵡⴰⵙⵏ ⵉⴳⴷⵓⴷⴰⵏⵏ ⵙ ⵡⴰⴳⵍⴰ ⵏⵏⵙⵏ.
ⵜⴰⴼⴰ ⴰⴷ ⵢⵉⵍⵉ ⵓⵙⵏⵎⴰⵍⴰ ⵏ ⵜⵎⵀⵍⵜ ⵏ ⵡⵓⴹⵓⴼ ⵏ ⵜⵙⴳⵓⵔⵉⵡⵉⵏ ⴳ ⵡⴰⴷⴷⴰⴷⵏ ⵉⵖⵓⴷⴰⵏ, ⵀⴰ ⵏⵏ ⵉⵙⵔⵙ ⵓⵙⵇⵇⵉⵎ ⵎⵏⵉⴷ ⵏ ⵉⵏⵎⵔⵉⵙⵏ ⵢⴰⵜ ⵜⵙⵏⵙⵉ ⵜⴰⵙⵏⵎⴰⵍⴰⵢⵜ ⴳ ⵜⵡⵡⵓⵔⵜ ⵏⵏⵙ ⵜⴰⵍⵉⴽⵟⵕⵓⵏⵉⵜ, ⴰⵔ ⵜⵏ ⵜⴻⵜⵜⴰⵊⵊⴰ ⴰⴷ ⴰⵎⵥⵏ ⵜⴰⴽⵜⵓⵜ ⵏⵏⵙⵏ ⵖⵔ ⵉⵙⵇⵇⵉⵎⵏ ⵉⵏⵎⵏⴰⴹⵏ ⵏ ⵉⵙⵉⴹⵏⵏ ⵙ ⵓⴽⴰⵎⴷ ⵏ ⵜⵙⵓⵏⴰⴹ ⵜⵉⵎⵓⵔⴰⵏⵉⵏ ⵏ ⴽⵓ ⴰⵙⵇⵇⵉⵎ ⴰⵏⵎⵏⴰⴹ, ⵜⴰⴼⴰ ⴰⴷ ⵙⵔⵙⵏ ⵜⵉⵙⴳⵓⵔⵉⵡⵉⵏ ⵏⵏⵙⵏ ⵙ ⵓⵎⵙⴰⵙⴰ ⴷ ⵜⵎⴰⵎⴽⵉⵏ ⴷ ⵜⴼⴰⴷⵉⵡⵉⵏ ⵜⵓⵍⴳⵉⵏⵉⵏ ⵉⵙⵙⵓⵜⵓⵢⵏ ⵜⴰⵎⵀⵍⵜ ⵏ ⵜⵙⴳⵓⵔⵉ ⵜⵓⵛⵛⵉⵍⵜ ⵏ ⵡⴰⴳⵍⴰ.
ⵉ ⵓⴳⴰⵔ ⵏ ⵡⵓⵎⵍⴰⵏ, ⴽⵛⵎⴰⵜ ⵖⵔ ⵡⴰⵙⵉⵜ ⴰⵎⴰⴷⴷⵓⴷ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ, ⴳ ⵓⵣⴷⴰⵢ ⴰⴷ: https://www.courdescomptes.ma
