ⵙ ⵜⵎⵍⴷⴰ ⵏ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⵉⵜⵜⵓⵙⵏⵎⴰⵍⴰⵏ ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⵓⴷⴷⵓ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵙⵏⵔⵓ ⵕⴱⴱⵉ ⵅⴼ ⵉⵎⵔⵙⵉ ⵏ "ⵓⵏⴳⵔⴰⵡ ⵏ ⵜⵎⵙⵜⴳⴳⴰⵔⵜ ⵎⵏⵉⴷ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⴷ ⵜⵎⵙⵙⵉⴹⵏⵜ, ⵜⴰⵏⴰⵟⵟⵓⴼⵜ ⴷ ⵉⵎⵏⵉⴷⵏ" ⴳ ⵓⵙⴰⴽⵓⴷ ⵏ 22 ⴱⵕⴰⵢⵕ 2024 ⴳ ⵜⴽⴰⴷⵉⵎⵉⵜ ⵏ ⵜⴳⵍⴷⵉⵜ, ⵜⴻⵜⵜⵓⵙⵏⵎⴰⵍⴰ ⴳ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴰⵙⵙ ⵏ ⵓⵙⵉⵎⵡⴰⵙ 23 ⴱⵕⴰⵢⵕ 2024 ⵢⴰⵜ ⵜⵙⵎⵓⵏⵉ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⵉⵍⴰⵏ ⵜⵉⵥⵍⴰⵢⵉⵏ ⵜⵉⵏⵣⵔⴰⴼⵉⵏ  ⵏⵏⴰ ⵉⴷⵔⴰⵏ ⴳ ⵜⵉⵏⴰⵡⵜ ⵉⵜⵜⴰⵡⴱⴷⴰⵔⵏ.
ⴳ ⵜⵙⵎⵓⵏⵉ ⴰⴷ, ⵉⵜⵜⵓⵙⴳⵎⴹ ⵙⴳ ⵜⵏⵉⵍⴰ ⵏ ⵉⴳⵏⵙⴰⵙⵏ ⵏ 16 ⵏ ⵓⴳⵔⴰⵡ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⵏ ⵉⵡⴰⵏⴽⵏ ⵉⴹⴼⴰⵕⵏ ⵜⴰⵎⵏⵥⴰⵡⵜ ⵏ ⵡⴰⴼⵔⵉⵇⵢⴰ ⴷ ⵓⵕⵓⴱⴱⴰ ⴷ ⵡⴰⵙⵢⴰ ⴷ ⵎⵉⵔⵉⴽⴰⵏ ⵜⴰⵍⴰⵜⵉⵏⵉⵜ, ⵓⵍⵖⵓ ⵏ ⵕⵕⴱⴰⵟ ⵉⵣⴷⵉⵏ ⴷ ⵓⵙⴽⴰⵔ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⵉⵍⴰⵏ ⵜⵉⵥⵍⴰⵢⵉⵏ ⵜⵉⵏⵣⵔⴰⴼⵉⵏ (JURISAI), ⴰⵍⵍⵉⴳ ⵜⵉⵍⵉ ⴷ ⴰⴳⵔⴰⵡ ⵉⵣⴷⵉⵏ ⴷ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⴷ ⵜⵎⵙⵙⵉⴹⵏⵜ (INTOSAI), ⵙ ⵓⵎⵙⴰⵙⴰ ⴷ ⵓⵎⵏⵏⵉ 3 ⵏ ⵓⵏⴳⵔⴰⵡ ⵏⵏⵙ ⴰⴷⵙⵍⴰⵏ.
ⴰⵔ ⵉⵎⵎⴰⵍ ⵓⵍⵖⵓ ⴰⴷ ⵜⵉⵔⴰⵜ ⵏ ⵉⴳⵔⴰⵡⵏ ⴰⴷ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴳ ⵓⵙⴷⵓⵙ ⵏ ⵓⵎⵢⴰⵡⴰⵙ ⵏⴳⵔⴰⵙⵏ, ⴷ ⵓⵙⵏⵄⵜ ⵏ ⵡⴰⵜⵉⴳ ⵏ ⵉⵎⵓⵙⵙⵓⵜⵏ ⵏⵏⵙⵏ ⴷ ⵓⵙⴷⵓⵙ ⵏⵏⵙⵏ ⵙ ⵢⴰⵏ ⵓⵙⴰⵜⵉ ⵉⵙⵙⵓⵔⵏ ⵏ ⵡⴰⵏⵏⴰⵍ ⴷ ⵓⵙⵡⴰⵍⴰ, ⵜⴰⴼⴰ ⴰⴷ ⵢⵉⵍⵉ ⵢⴰⵏ ⵡⴰⵜⵉⴳ ⵉⵔⵏⴰⵏ ⵖⵔ ⵜⵡⵓⵔⵉⵡⵉⵏ ⵏⵏⵙⵏ ⴷ ⵓⴱⴷⴰⴷ ⵅⴼ ⵓⵙⵖⵓⴷⵓ ⵏ ⵜⵕⵡⵉ ⵜⴰⴳⴷⵓⴷⴰⵏⵜ ⵏ ⵉⵡⴰⵏⴽⵏ ⵏⵏⵙⵏ ⴰⵡⴷ ⴰⵙⵏⵎⵍ ⵙ ⵜⵎⵥⵍⴰⵢ ⵏ ⵓⵣⵓⵔⵜ ⴰⴷ ⴰⵏⵣⵔⴰⴼ ⴳ ⵓⵙⵡⵉⵔ ⴰⵎⴰⴹⵍⴰⵏ.