ⴰⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ: ⵜⵉⵏⴰⵡⵜ ⵅⴼ: "ⵜⴰⵙⵜⵔⴰⵜⵉⵊⵉⵜ ⵏ ⵓⵎⵓⵜⵜⵉ ⵓⵥⴹⵉⵕ ⴷ ⵜⴳⵎⵉ ⵜⴰⵙⵓⵍⴰⵏⵜ"
ⴳ ⵓⵙⴰⵜⵉ ⵏ ⵓⵙⴷⴷⵉ ⵏ "ⵜⵉⵏⴰⵡⵜ ⴳ ⵡⴰⵙⵙ ⵏ ⵓⵙⵉⵎⵡⴰⵙ", ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴰⵙⵙ ⵏ 09 ⵉⴱⵔⵉⵔ 2024, ⵢⴰⵜ ⵜⵉⵏⴰⵡⵜ ⵅⴼ ⵉⵎⵔⵙⵉ: "ⵜⴰⵙⵜⵔⴰⵜⵉⵊⵉⵜ ⵏ ⵓⵎⵓⵜⵜⵉ ⵓⵥⴹⵉⵕ ⴷ ⵜⴳⵎⵉ ⵜⴰⵙⵓⵍⴰⵏⵜ", ⵙ ⵡⵓⵜⵓⵢ ⵏ ⵎⴰⵙⵙⴰ ⵍⴰⵢⵍⴰ ⴱⵏⵄⵍⵉ, ⵜⴰⵎⴰⵡⵙⴰⵙⵜ ⵏ ⵓⵎⵓⵜⵜⵉ ⵏ ⵜⵥⴹⴰⵕⵜ ⴷ ⵜⴳⵎⵉ ⵜⴰⵙⵓⵍⴰⵏⵜ.
ⵙ ⵜⵎⵍⴷⴰ ⴰⴷ, ⵜⵙⵙⵎⵏⵉⴷ ⵎⴰⵙⵙⴰ ⴱⵏⵄⵍⵉ ⵜⴰⵙⵜⵔⴰⵜⵉⵊⵉⵜ ⵉⵜⵜⴰⵡⵙⵎⵔⵙⵏ ⵙⴳ ⵜⵏⵉⵍⴰ ⵜⵎⴰⵡⴰⵙⵜ, ⵙ ⵓⵙⵏⵄⵜ ⵏ ⵜⵉⵍⴰⵍⵜ ⵏ ⵜⵙⵜⵔⴰⵜⵉⵊⵉⵜ ⵜⵓⵥⴹⵉⵕⵜ, ⵏⵏⴰ ⵜⵙⵔⵙ ⵜⵎⴰⵡⴰⵙⵜ ⴳ ⵡⴰⵎⵎⴰⵙ ⵏ ⵉⵡⵜⵜⴰⵙⵏ ⵏⵏⵙ, ⴳ ⵓⵙⵙⵔⵇⴱ ⴷ ⵓⵙⴱⵓⵖⵍⵓ ⵏ ⵢⵉⴳⵔ ⵏ ⵉⵎⵖⵓⵣⵏ ⴷ ⵓⴳⴰⵣ, ⴰⵡⴷ ⵙ ⵜⵖⴰⵔⴰⵙⵜ ⵏ ⵉⵙⵡⵓⴷⴷⵓⵜⵏ ⵉⴽⵎⴰⵎⵏ ⵉⵜⵜⴰⵡⵙⴽⴰⵔⵏ ⵉ ⵜⵏⴽⵔⴰ ⵙ ⵜⴳⵎⵉ ⵜⴰⵙⵓⵍⴰⵏⵜ, ⵙ ⵜⵖⴰⵔⴰⵙⵜ ⵏ ⵜⵙⵜⵔⴰⵜⵉⵊⵉⵜ ⵎⵓ ⵉⴷⵔⵓⵙ ⵓⴽⴰⵕⴱⵓⵏ ⴷ ⵜⵙⵜⵔⴰⵜⵉⵊⵉⵜ ⵏ ⵜⴷⴰⵎⵙⴰ ⵜⴰⵡⵔⴻⵔⵔⴰⵢⵜ.
ⵉⴳⴰ ⵓⵏⵎⵓⵇⵇⴰⵔ ⴰⴷ ⵢⴰⵜ ⵜⵎⵍⴷⴰ ⵏ ⵓⵎⴹⴰⴽⴰⵕ ⴰⴽⴷ ⵉⵏⴱⴹⴰ ⴷ ⵉⵙⵓⵜⴰⵢ ⵏ ⵜⵙⵏⴱⴹⴰⵢⵉⵏ ⵜⵉⵥⵕⴼⴰⵏⵉⵏ ⵅⴼ ⵜⵎⵓⴽⵔⵉⵙⵉⵏ ⴷ ⵜⵏⵥⴰⵕ ⴷ ⵉⵎⵏⵉⴷⵏ ⵉⵣⴷⵉⵏ ⴷ ⵉⴱⵔⴷⴰⵏ ⵏ ⵓⵙⵔⵓⵙ ⵏ ⵢⴰⵏ ⵉⵎⴰⵍ ⵉⵍⴰⵏ ⵜⴰⵎⵣⵉⵣⵡⵔⵜ ⵉⴳⴳⵓⵜⵏ ⴷ ⵜⵙⵓⵍⵜ ⴳ ⵢⵉⴳⵔ ⵏ ⵜⵥⴹⴰⵕⵜ ⴷ ⵜⴳⵎⵉ ⵜⴰⵙⵓⵍⴰⵏⵜ ⴳ ⵍⵎⵖⵔⵉⴱ.