ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵙⵏⵔⵓ ⵕⴱⴱⵉ, ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵢⴰⵜ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⵅⴼ ⵉⵎⵔⵙⵉ "ⴰⵏⴳⵔⴰⵡ ⵏ ⵜⵎⵙⵜⴳⴳⴰⵔⵜ ⵎⵏⵉⴷ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⴷ ⵜⵎⵙⵙⵉⴹⵏⵜ, ⵜⴰⵏⴰⵟⵟⵓⴼⵜ ⴷ ⵉⵎⵏⵉⴷⵏ"
Gallerie
ⵙ ⵉⵡⵉⵣ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵙⵏⵔⵓ ⵕⴱⴱⵉ, ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵢⴰⵜ ⵜⵉⵏⴰⵡⵜ ⵜⴰⴳⵔⴰⵖⵍⴰⵏⵜ ⵅⴼ ⵉⵎⵔⵙⵉ "ⴰⵏⴳⵔⴰⵡ ⵏ ⵜⵎⵙⵜⴳⴳⴰⵔⵜ ⵎⵏⵉⴷ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⴷ ⵜⵎⵙⵙⵉⴹⵏⵜ, ⵜⴰⵏⴰⵟⵟⵓⴼⵜ ⴷ ⵉⵎⵏⵉⴷⵏ", ⴰⵙⵙ ⵏ ⵓⴽⵡⴰⵙ 22 ⴱⵕⴰⵢⵕ 2024, ⴳ ⵜⴽⴰⴷⵉⵎⵉⵜ ⵏ ⵜⴳⵍⴷⵉⵜ ⴳ ⵕⵕⴱⴰⵟ.
ⵙ ⵓⵎⵙⴰⵙⴰ ⴷ ⵜⵖⵓⵔⵉ ⵜⴰⴳⵍⴷⴰⵏⵜ ⵢⴰⵜⵜⵓⵢⵏ ⵉⵣⴷⵉⵏ ⴷ ⵓⴼⵙⴰⵔ ⵏ ⵡⴰⵜⵉⴳⵏ ⵏ ⵜⵏⵏⵓⴱⴹⴰ ⵉⵀⵢⵢⴰⵏ ⴷ ⵜⵙⵓⵙⵖⵜ ⴷ ⵜⵎⵙⵙⵉⴹⵏⵜ, ⴷ ⵓⵙⵉⵡⵍ ⵏ ⵡⴰⴷⴷⵓⵔ ⵏⵏⵙ ⵅⴼ ⵡⴰⵛⵛⵉⵍ ⵏ ⵡⴰⵏⵏⴰⵍ ⵏ ⵜⵔⵙⴰⵍ ⵏ ⵜⵏⵏⵓⴱⴹⴰ ⵙ ⵜⵖⴰⵔⴰⵙⵜ ⵏ ⵓⵙⵖⵜⵙ ⵏ ⵓⵎⵏⵣⴰⵢ ⵏ ⵓⵣⴷⴰⵢ ⵏ ⵜⵎⵙⵜⴳⴳⴰⵔⵜ ⴷ ⵜⵎⵙⵙⵉⴹⵏⵜ, ⴰⵔ ⵉⵎⵎⴰⵍ ⵓⵏⵀⵍⵍⴰ ⴰⴳⵍⴷⴰⵏ ⵏⵏⴰ ⵢⵓⵛⴰ ⴱⴰⴱ ⵏ ⵡⴰⴷⴷⵓⵔ ⵉ ⵜⵉⵏⴰⵡⵜ ⴰⴷ ⴰⴱⴷⴰⴷ ⵏ ⵡⴰⴷⴷⵓⵔ ⵏⵏⵙ ⵅⴼ ⵓⵏⵏⵓⵕⵥⵎ ⵏ ⵜⴳⵍⴷⵉⵜ ⵅⴼ ⵜⵔⵎⵉⵜⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵡⴰⵏⵏⴰⵍ ⵏ ⵡⵓⵎⵎⵉⵥⵏ ⵏⵏⵙⵏⵜ ⴷ ⵓⴼⵙⴰⵔ ⵏ ⵜⵔⵎⵉⵜⵉⵏ ⵏⵏⵙ ⴳ ⵢⵉⴳⵔ ⴰⴷ.
ⵜⵡⴰⵜⵜⵙ ⵜⵉⵏⴰⵡⵜ ⴰⴷ ⴰⵙⴷⵓⵙ ⵏ ⵓⵎⴹⴰⴽⴰⵕ ⵅⴼ ⵉⴱⵔⴷⴰⵏ ⵏ ⵓⵙⴷⵓⵙ ⵏ ⵓⴳⴳⵉⵡⵙ ⴳ ⵜⵉⵣⵉ ⵏ ⵜⵏⵥⴰⵕ ⵏⵏⴰ ⵉⵡⴰⵍⴰⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⴷ ⵜⵎⵙⵙⵉⴹⵏⵜ ⵏⵏⴰ ⵉⵣⴷⵉⵏ ⴳ ⵓⵎⵣⵡⴰⵔⵓ ⴷ ⵓⴱⵓⵖⵍⵓ ⵏ ⵜⵡⵏⵏⴰⴹⵉⵏ ⵜⵉⵎⵔⵙⴰⵍⵉⵏ ⵏ ⵉⴳⵔⴰⵡⵏ ⴰⴷ ⴷ ⵉⵎⵓⵜⵜⵉⵢⵏ ⵉⴷⵔⴰⵏ ⵏⵏⴰ ⵉⵍⵍⴰⵏ ⴳ ⵓⵙⵡⵓⴷⴷⵓ ⴰⴳⴷⵓⴷⴰⵏ, ⴰⵡⴷ ⴰⵛⵛⵉⵍ ⵏ ⵓⵙⵖⵓⵏ ⵙ ⵡⴰⵙⵙⴰⵔⵏ ⵏ ⵓⵙⵇⵙⵉ ⴷ ⵜⴹⴼⵕⵉ ⵏ ⵓⵙⵎⵓⴽⵏ, ⵉⵍⴰⵏ ⵜⴰⵣⵔⴼⵜ. ⵎⴽⴷⴰ ⵉⴽⴰⵎⴷ ⵓⵎⵓⵙⵙⵓ ⴰⴷ ⴰⴳⵔⴰⵖⵍⴰⵏ ⵙ ⵓⵔⵣⵣⵓ ⴷ ⵜⵖⵔⵉ ⵏ ⵜⵎⵙⵍⴰⵢⵜ ⵏ ⵜⵎⵙⵜⴳⴳⴰⵔⵜ ⵏ ⵉⵎⵙⵡⵓⴷⴷⴰ ⵉⴳⴷⵓⴷⴰⵏⵏ ⵙ ⵜⵖⴰⵔⴰⵙⵜ ⵜⵓⵙⵔⵉⴷⵜ ⵎⵏⵉⴷ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⵉⵍⴰⵏ ⵜⵉⵏⴱⴰⴹⵉⵏ ⵜⵉⵏⵣⵔⴰⴼⵉⵏ, ⴰⵡⴷ ⵙ ⵜⵖⴰⵔⴰⵙⵜ ⵜⴰⵔⵓⵙⵔⵉⴷⵜ ⵙ ⵉⴳⵔⴰⵡⵏ ⵢⴰⴹⵏ ⵉ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵔⵏⵣⵔⴰⴼ.
ⵉⵎⵎⵓⴳ ⴳ ⵜⵉⵏⴰⵡⵜ ⴰⴷ ⵓⵙⵎⵏⵉⴷ ⵏ ⵜⵓⴳⵜⵜ ⵏ ⵜⴽⵛⵛⵓⵎⵉⵏ ⴳ ⵓⵙⵡⵉⵔ ⵏ ⴽⵕⴰⴹⵜ ⵏ ⵜⵖⵉⵎⴰ ⵏ ⵓⵎⴹⴰⴽⴰⵕ, ⵜⵥⵍⵉ ⵜⵖⵉⵎⵉⵜ ⵜⴰⵎⵣⵡⴰⵔⵓⵜ ⵙ ⵓⵎⴹⴰⴽⴰⵕ ⵏ ⵉⵎⵏⵣⴰⵢⵏ ⴷ ⵜⵔⵙⴰⵍ ⵏⵏⴰ ⵅⴼ ⵜⴱⴷⴷ ⵜⵎⵙⵍⴰⵢⵜ ⵏ ⵓⵙⵇⵙⵉ ⵏ ⵉⵎⵙⵡⵓⴷⴷⴰ ⵉⴳⴷⵓⴷⴰⵏⵏ ⵎⵏⵉⴷ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ, ⴷⴰⵢ ⵜⵙⵙⵉⵡⵍ ⵜⵖⵉⵎⵉⵜ ⵜⵉⵙ ⵙⵏⴰⵜ ⵅⴼ ⵜⵎⵙⵍⴰⵢⵜ ⵏ ⵜⵕⵡⵉ ⵏ ⵓⴳⴳⵉⵡⵙ ⴷ ⵓⵙⵔⵓⵙ ⵏ ⵜⵓⵙⵓⵔⵜ, ⵜⵉⵍⵉ ⴳ ⵜⵖⵉⵎⵉⵜ ⵜⵉⵙ ⴽⵕⴰⴹⵜ ⵜⵉⴽⴽⵉ ⵏ ⵢⴰⵏ ⵜⴰⵏⵏⴰⵢⵜ ⵏ ⵓⵙⵏⵉⵎⴰⵍ ⵉ ⵜⵏⵥⴰⵕ ⵉⴳⵎⴰⵏ ⴷ ⵜⵎⵙⴰⵔⵉⵏ ⵜⵉⴷⵙⵍⴰⵏⵉⵏ ⵉⵣⴷⵉⵏ ⴷ ⵓⵙⵇⵙⵉ ⵏ ⵉⵎⵙⵡⵓⴷⴷⴰ ⵎⵏⵉⴷ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ. ⵜⵙⵎⴷ ⵜⵉⵏⴰⵡⵜ ⴰⴷ ⵙ ⵜⵖⵔⵉ ⵏ ⵜⴱⵔⴰⵜ ⵍⵍⵉ ⵙⵙⵉⴼⴹⵏ ⵉⵎⴷⵔⴰⵡⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ.
ⵉⵍⵍⴰ ⴳ ⵜⵉⵏⴰⵡⵜ ⴰⴷ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵎⴰⵙⵙ ⵕⴰⵛⵉⴷ ⵟⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴷ ⵎⴰⵙⵙ ⵎⵓⵃⵎⵎⴷ ⵄⴱⴷ ⵏⵏⴰⴱⴰⵡⵉ, ⴰⵏⵙⵙⵉⵅⴼ ⴰⵎⴰⵍⴰⵍ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵜⵏⴱⴰⴹⵜ ⵜⴰⵏⵣⵔⴰⴼⵜ, ⴰⵏⵙⵙⵉⵅⴼ ⴰⵎⵣⵡⴰⵔⵓ ⵏ ⵜⵙⵏⴱⴹⴰⵢⵜ ⵏ ⵜⵕⵥⵉ, ⴷ ⵎⴰⵙⵙ ⵎⵓⵃⵎⵎⴷ ⴰⵎⵉⵏ ⴱⵏⵄⴱⴷ ⵍⵍⴰⵀ, ⴰⵏⵙⵙⵉⵅⴼ ⵏ ⵜⵙⵏⴱⴹⴰⵢⵜ ⵜⴰⴷⵙⵜⴰⵔⵜ, ⴷ ⵎⴰⵙⵙ ⵎⵓⵍⴰⵢ ⵍⵃⴰⵙⴰⵏ ⴷⴷⴰⴽⵉ, ⴰⵏⵙⵙⵉⵅⴼ ⵏ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ, ⴰⴳⵏⵙⴰⵙ ⴰⵎⴰⵜⴰⵢ ⵏ ⵓⴳⵍⵍⵉⴷ ⴳ ⵜⵙⵏⴱⴹⴰⵢⵜ ⵏ ⵜⵕⵥⵉ, ⴷ ⵜⵓⴳⵜⵜ ⵏ ⵉⵎⴰⵡⵙⴰⵙⵏ ⴷ ⵉⵎⵙⵜⴳⴳⴰⵔⵏ ⵙⴳ ⵎⵏⵏⴰⵡ ⵉⴳⵔⴰⵏ ⵉⵎⴰⵡⵙⴰⵙⵏ, ⴰⵡⴷ ⵜⴰⴷⵔⴰⵡⵜ ⵏ ⵜⵓⴳⵜⵜ ⵏ ⵉⵎⵙⵜⴳⴳⴰⵔⵏ ⴷ ⵉⵎⵙⴽⴰⵔⵏ ⵉⴹⴼⴰⵕⵏ ⴰⵎⵓⵏ ⵏ ⵉⴳⵔⴰⵡⵏ ⵏ ⵓⴳⴳⵉⵡⵙ ⵙⴳ ⵎⵏⵏⴰⵡⵜ ⵜⵎⵏⴰⴹⵉⵏ ⵏ ⵡⴰⵎⵓⵏ ⵏ ⵜⵎⴰⴷⴷⴰⵙⵜ ⵜⴰⴳⵔⴰⵖⵍⴰⵏⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴷ ⵜⵎⵙⵙⵉⴹⵏⵜ ⴷ ⵡⵉⵢⵢⴰⴹ.