ⵙ ⵜⵏⵙⵙⵉⵅⴼⵜ ⵏ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ, ⵉⵙⵏⵓⴱⴳ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴰⵙⵙ ⵏ ⵓⵙⵉⵎⵡⴰⵙ 09 ⴱⵕⴰⵢⵕ 2024 ⵢⴰⵏ ⵓⴽⴰⴱⴰⵕ ⵏ ⵓⴼⵏⵉⵇ ⴰⴳⵔⴰⵖⵍⴰⵏ ⵏ ⵓⴷⵔⵉⵎ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵕⵓⴱⵉⵕⵟⵓ ⴽⴰⵕⴷⵉⵍⵉⵍⵉ, ⴰⵏⵙⵙⵉⵅⴼ ⵏ ⵓⴼⵏⵉⵇ ⴰⴳⵔⴰⵖⵍⴰⵏ ⵏ ⵓⴷⵔⵉⵎ ⴳ ⵍⵎⵖⵔⵉⴱ.
ⵉⴽⵛⵎ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ ⵉⵎⵛⴰⵡⴰⵕⵏ ⵉⵙⴳⵯⵙⴰⵏⵏ ⵏ ⵓⵙⴳⴳⵯⴰⵙ ⵏ 2024 ⵏⵏⴰ ⵉⵙⴽⴰⵔ ⵓⴼⵏⵉⵇ ⴰⴳⵔⴰⵖⵍⴰⵏ ⵏ ⵓⴷⵔⵉⵎ ⵙ ⵓⵎⵙⴰⵙⴰ ⴷ ⵓⵎⵏⵏⵉ ⵡⵉⵙ ⴽⴽⵓⵥ, ⴰⵡⴷ ⴰⵣⵣⵔⴰⵢ ⴰⵣⵎⵣⴰⵏ ⵏ ⵓⵙⴰⵜⵉ ⵏ ⵉⴼⵉⵍⵉ ⵏ ⵓⵙⴼⵍⵙ ⴰⵎⵓⵀⴰⵏ (FCL) ⴷ ⵓⵙⵀⵡⵏ ⵏ ⵜⴰⴳⴳⴰⵍⵜ ⴷ ⵜⵙⵓⵍⴰⵏⵜ (RSF)
ⵉⴳⴰ ⵓⵎⴰⴳⵔ ⴰⴷ ⵢⴰⵜ ⵜⵎⵍⴷⴰ ⵏ ⵓⵙⵎⵏⵉⴷ ⵏ ⵜⴰⵏⵏⴰⵢⵜ ⵏ ⵓⵙⵇⵇⵉⵎ ⴳ ⵎⵏⵏⴰⵡ ⵉⵎⵔⵙⵉⵜⵏ ⵉⵣⴷⵉⵏ ⴷ ⵉⵙⴰⵡⵔⵏ ⵏ ⵓⵙⴳⴳⴷ ⵏ ⵓⵥⵕⴼ ⴰⴳⴷⵓⴷⴰⵏ ⴷ ⵉⵎⵏⵉⴷⵏ ⵏⵏⵙ, ⴰⵡⴷ ⵜⵉⵏⵥⴰⵕ ⵉⵍⵍⴰⵏ ⴳ ⵜⵉⵣⵉ ⵏ ⵜⴰⵜⵜⵓⵢⵜ ⵏ ⵓⴽⵕⴰⵥ ⵅⴼ ⵉⵙⵓⴳⴰⵎ ⴷ ⵜⴰⵜⵜⵓⵢⵜ ⵏ ⵜⵎⵇⵕⴰⴹ ⴷ ⵜⴼⵍⵍⴰⵡⵉⵏ ⵏⵏⵙ ⵅⴼ ⵜⵎⵙⴰⵙⵜⵍⵜ.