ⵜⵙⵏⵓⴱⴳ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ, ⵣⵉⵏⴱ ⵍⵄⴰⴷⴰⵡⵉ, ⴰⵙⵙ ⵏ ⵓⵙⵉⵏⴰⵙ 11 ⵢⵓⵏⵢⵓ 2024, ⴰⴽⴷ ⵎⴰⵙⵙ ⴰⴳⵏⵙⴰⵙ ⴰⵎⴰⵜⴰⵢ ⵏ ⵓⴳⵍⵍⵉⴷ ⵖⵔ ⵓⵙⵇⵇⵉⵎ, ⴱⵕⴰⵀⵉⵎ ⴱⵏ ⴱⴱⵉⵀ, ⴷ ⵎⴰⵙⵙ ⵅⴰⴼⵢⵉⵔ ⴰⵔⴼⵉⵍⵓ ⴼⵉⵍⴰ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⵏⵣⵔⴰⴼⵜ ⴷ ⵜⵙⵏⴱⴹⴰⵢⵜ ⵜⴰⵏⴰⴼⵍⵍⴰⵜ ⵏ ⵜⴳⴷⵓⴷⴰⵏⵜ ⵏ ⴱⵉⵔⵓ, ⵏⵏⴰ ⵉⵙⴽⵔⵏ ⵢⴰⵏ ⵓⵔⵣⴰⴼ ⵏ ⵜⵡⵓⵔⵉ ⵖⵔ ⵜⴳⵍⴷⵉⵜ ⵏ ⵍⵎⵖⵔⵉⴱ.
ⴳ ⵜⵉⵣⵡⵉⵔⵉ ⵏ ⵓⵎⴰⴳⵔ ⴰⴷ, ⵜⵙⴱⵔⵔⴽ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵏ ⵓⵙⵇⵇⵉⵎ ⵙ ⵎⴰⵙⵙ ⵅⴰⴼⵢⵉⵔ ⴰⵔⴼⵉⵍⵓ ⴼⵉⵍⴰ ⴷ ⵉⴳⵎⴰⵎⵏ ⵏ ⵓⴽⴰⴱⴰⵕ ⵍⵍⵉ ⴷ ⴷⵉⵙ ⵉⵎⵓⵏⵏ. ⵎⴽⴷⴰ ⵜⵙⵙⵎⵏⵉⴷ ⵙ ⵜⵎⵍⴷⴰ ⴰⴷ, ⴽⵔⴰ ⵏ ⵉⵙⵙⵉⵙⴼⵉⵡⵏ ⵅⴼ ⵜⵥⵍⴰⵢⵉⵏ ⴷ ⵜⵔⵎⵉⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ, ⵜⵙⴷⴷⵉⴷ ⵜⵉⵍⴰⵍⵜ ⵉⵕⵡⴰⵏ ⵏ ⵓⵙⵎⴰⴷ ⵏⴳⵔ ⵜⵥⵍⴰⵢⵉⵏ ⵜⵉⵏⵣⵔⴰⴼⵉⵏ ⴷ ⵜⴰⵔⵏⵣⵔⴰⴼⵉⵏ ⵏ ⵓⵙⵇⵇⵉⵎ ⴳ ⵓⴼⵔⴰⴳ ⵏ ⵓⵥⵕⴼ ⴰⴳⴷⵓⴷⴰⵏ ⴷ ⵓⴼⵙⴰⵔ ⵏ ⵡⴰⵜⵉⴳⵏ ⵏ ⵜⵣⴷⴳⵉ ⴳ ⵜⵙⵓⵙⵖⵜ ⴳ ⵢⵉⴳⵔ ⴰⴳⴷⵓⴷⴰⵏ. ⵎⴽⴷⴰ ⵜⵙⵏⵄⵜ ⵓⴷⵎⴰⵡⵏ ⵏ ⵓⵎⵢⴰⵙⵙⴰ ⴰⴽⴷ ⵜⵏⴱⴰⴹⵜ ⵜⴰⵏⵣⵔⴰⴼⵜ.
ⵙⴳ ⵜⵏⵉⵍⴰ ⵏⵏⵙⵏ, ⵓⵍⵖⵏ ⵉⴳⵎⴰⵎⵏ ⵏ ⵓⴽⴰⴱⴰⵕ ⵏ ⵜⵏⴱⴰⴹⵜ ⵜⴰⵏⵣⵔⴰⴼⵜ ⵏ ⵜⴳⴷⵓⴷⴰⵏⵜ ⵏ ⴱⵉⵔⵓ ⵜⴰⵔⵎⵉⵜ ⵏ ⵍⵎⵖⵔⵉⴱ ⴳ ⵎⴰⴷ ⵉⵣⴷⵉⵏ ⴷ ⵓⴳⴳⵉⵡⵙ ⵢⴰⵜⵜⵓⵢⵏ ⵏ ⵓⵥⵕⴼ ⴰⵎⴰⵜⴰⵢ ⴷ ⵜⵉⵍⴰⵍⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴳ ⵓⵙⴷⵓⵙ ⵏ ⵜⵣⴷⴳⵉ ⴳ ⵓⵙⵡⵓⴷⴷⵓ ⴰⴳⴷⵓⴷⴰⵏ. ⴰⵀⴰ ⵉⵙⴷⴷⵉⴷ ⵎⴰⵙⵙ ⴰⵔⴼⵉⵍⵓ ⴼⵉⵍⴰ ⵢⴰⵜ ⵜⵓⵙⵙⵉⴼⵜ ⵅⴼ ⵜⵉⵍⴰⵍⵜ ⵏ ⵜⵏⴱⴰⴹⵜ ⵜⴰⵏⵣⵔⴰⴼⵜ ⴷ ⵓⵎⵢⴰⵙⵙⴰ ⵏⵏⵙ ⴰⴽⴷ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵢⴰⴹⵏ ⴳ ⵓⵡⴰⵏⴽ ⵏ ⴱⵉⵔⵓ, ⴳⵉⵙⵏⵜ ⵜⵉⵎⵔⵙⵍⵜ ⵏ ⵓⴳⴳⵉⵡⵙ ⴰⵎⴰⵜⴰⵢ ⵏ ⵜⴳⴷⵓⴷⴰⵏⵜ.
ⵜⵍⵍⴰ ⴳ ⵓⵎⴰⴳⵔⴰⴷ ⵙⴳ ⵜⵏⵉⵍⴰ ⵏ ⵜⵎⴰⵣⵉⵔⵜ ⵏ ⴱⵉⵔⵓ ⵜⴰⵏⴱⴹⵓⵜ ⴷ ⵜⵏⵙⵙⵉⵅⴼⵜ ⵏ ⵜⵎⵖⴰⵔⵉⵏ ⵜⵉⵏⴱⴹⴰ, ⴷ ⵜⵏⵙⵙⵉⵅⴼⵜ ⵏ ⵓⵙⵉⵔⴰ ⵏ ⵓⵎⵢⴰⵡⴰⵙ ⴰⵏⴰⵥⵓⵕ ⴰⴳⵔⴰⵖⵍⴰⵏ ⵏ ⵜⵏⴱⴰⴹⵜ ⵜⴰⵏⵣⵔⴰⴼⵜ, ⵢⵉⵍⵉ ⵙⴳ ⵜⵙⴳⴰ ⵜⴰⵎⵖⵔⴰⴱⵉⵜ ⵉⵎⵉⵔⵉ ⴰⵎⴰⵜⴰⵢ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴷ ⵓⵏⵎⵀⴰⵍ ⵏ ⵓⴳⵊⴷⵉ ⵏ ⵓⵎⵢⴰⵡⴰⵙ ⴷ ⵉⵎⵢⴰⵙⵙⴰⵜⵏ ⵏ ⴱⵕⵕⴰ ⴳ ⵓⵙⵇⵇⵉⵎ ⴰⴷ, ⴷ ⵜⵏⵙⵙⵉⵅⴼⵜ ⵏ ⵓⴳⵊⴷⵉ ⵏ ⵓⵙⵎⵓⵜⵜⴳ ⴷ ⵓⵎⵢⴰⵡⴰⵙ ⴳ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵜⵏⴱⴰⴹⵜ ⵜⴰⵏⵣⵔⴰⴼⵜ.