ⵙ ⵓⵎⵙⴰⵙⴰ ⴷ ⵉⵙⴱⴷⴰⴷⵏ ⵏ ⵓⵎⴰⴳⵔⴰⴷ 147 ⴷ 148 ⵏ ⵓⴷⵓⵙⵜⵓⵔ ⵏ ⵜⴳⵍⴷⵉⵜ, ⴰⵔ ⵏⵏ ⵉⵜⵜⵡⴰⵍⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴰⵙⴽⴰⵔ ⵏ ⵓⴳⴳⵉⵡⵙ ⵢⴰⵜⵜⵓⵢⵏ ⵏ ⵓⵣⵣⴳⵉⵔ ⵏ ⵉⵙⵍⴳⵏⵏ ⵏ ⵓⵥⵕⴼ, ⵉⴼⴽ ⵜⵉⵡⵉⵙⵉ ⵏⵏⵙ ⵉ ⵓⴱⵕⵍⴰⵎⴰⵏ ⴳ ⵉⴳⵔⴰⵏ ⵍⵍⵉ ⵉⵥⵍⵉⵏ ⵙ ⵓⴳⴳⵉⵡⵙ ⵏ ⵓⵥⵕⴼ ⴰⵎⴰⵜⴰⵢ, ⵖⵉⴽⵍⵍⵉ ⵉⵜⵜⵔⵔⴰ ⵅⴼ ⵉⵙⵇⵙⵉⵜⵏ ⴷ ⵉⵎⵛⴰⵡⴰⵕⵏ ⵉⵣⴷⵉⵏ ⴷ ⵜⵙⵎⵉⴳⴰⵍ ⵏ ⵓⴱⵕⵍⴰⵎⴰⵏ ⴳ ⵓⵣⵣⵔⴰⴼ ⴷ ⵓⴳⴳⵉⵡⵙ ⴷ ⵓⵙⵓⵜⴳ ⵉⵥⵍⵉⵏ ⵙ ⵓⵥⵕⴼ ⴰⵎⴰⵜⴰⵢ.
ⵎⴽⴷⴰ ⵙⵙⴰⵡⴰⵍⵏ ⵉⵙⴱⴷⴰⴷⵏ ⵏ ⵓⵎⵏⵏⵉ 66 ⵏ ⵓⵙⵍⴳⵏ ⴰⵎⴰⴷⴷⴰⵙ ⵏ ⵓⵙⵍⴳⵏ ⵏ ⵓⵥⵕⴼ ⵓⵟⵟⵓⵏ 130.13 ⵎⴰⵙ ⴷ ⵉⵇⵇⴰⵏ ⴰⵙⵏⵜⵉ ⵏ ⵓⵙⵍⴳⵏ ⵏ ⵓⵙⵎⵓⵔ ⴰⴷ ⵉⵎⵓⵏ ⴷ ⵜⴰⵏⴰⴹⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ, ⵅⴼ ⵓⵣⵣⴳⵉⵔ ⵏ ⵓⵙⵍⴳⵏ ⵏ ⵓⵥⵕⴼ ⴰⵡⴷ ⴷ ⵜⵙⴳⵓⵔⵉ ⵜⴰⵎⴰⵜⴰⵢⵜ ⵏ ⵓⵎⵙⴰⵙⴰ ⵏ ⵉⵙⵉⴹⵏⵏ ⵓⴼⵔⵉⴷⵏ ⵏ ⵉⵎⵙⵉⴹⴰⵏ ⵉⴳⴷⵓⴷⴰⵏⵏ ⴷ ⵓⵙⵉⴹⵏ ⴰⵎⴰⵜⴰⵢ ⵏ ⵜⴳⵍⴷⵉⵜ.
ⴳ ⵓⵙⴰⵜⵉ ⴰⴷ, ⵉⵙⴽⵔ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵢⴰⵜ ⵜⴰⵏⴰⴹⵜ ⵅⴼ ⵓⵣⵣⴳⵉⵔ ⵏ ⵓⵙⵍⴳⵏ ⵏ ⵓⵥⵕⴼ ⵏ ⵓⵙⴳⴳⵯⴰⵙ 2022 ⵉⵎⵓⵏⵏ ⴷ ⵓⵙⵏⵜⵉ ⵏ ⵓⵙⵍⴳⵏ ⵏ ⵓⵙⵎⵓⵔ ⴰⵀⴰ ⵉⵣⵣⵔⵉ ⵜ ⵖⵔ ⵓⴱⵕⵍⴰⵎⴰⵏ, ⵎⴽⴷⴰ ⵉⵙⵙⵉⴼⴹ ⵢⴰⵜ ⵜⵓⵏⵖⵉⵍⵜ ⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⵎⴰⵡⵙⴰⵙ ⵏ ⵜⴷⴰⵎⵙⴰ ⴷ ⵓⵥⵕⴼ ⵙ ⵓⵎⵙⴰⵙⴰ ⴷ ⵓⵎⵏⵏⵉ 66 ⵉⵜⵜⴰⵡⴱⴷⴰⵔⵏ.
ⵜⵣⵎⵔ ⴰⴷ ⵜⴻⵜⵜⵡⴰⴳⵎ ⵜⴰⵏⴰⴹⵜ ⴷ ⵜⴳⴹⵡⵉⵜ ⵏⵏⵙ ⵙ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷ ⵜⴼⵕⴰⵏⵙⵉⵙⵜ.