ⵙ ⵓⵎⵢⴰⵡⴰⵙ ⴷ ⵡⴰⴼⵕⵓⵙⴰⵢ, ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵢⴰⵜ ⵜⵙⵓⵜⵍⵜ ⵜⴰⵙⵎⴰⵜⵜⴰⴳⵜ ⵅⴼ ⵓⵙⵓⵜⴳ ⵏ ⵜⵡⵓⵔⵉ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ, ⴳ ⵓⵙⴰⵜⵉ ⵏ «SAI-PMF», ⵙⴳ 16 ⴰⵔ 19 ⵉⴱⵔⵉⵔ 2024
ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⴷ ⵜⵎⴰⴷⴷⴰⵙⵜ ⵜⴰⴼⵔⵉⵇⵉⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ (ⴰⴼⵕⵓⵙⴰⵢ), ⵉⵙⵏⵎⴰⵍⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵢⴰⵜ ⵜⵙⵓⵜⵍⵜ ⵜⴰⵙⵎⴰⵜⵜⴰⴳⵜ ⵅⴼ ⵓⵙⵓⵜⴳ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⵏ ⵓⵥⵕⴼ ⴰⴳⴷⵓⴷⴰⵏ ⴷ ⵜⵎⵙⵙⵉⴹⵏⵜ, ⴳ ⵓⵙⴰⵜⵉ ⵏ ⵓⵙⵖⴰⵍ ⵏ ⵜⵡⵓⵔⵉ ⵏ «SAI-PMF». ⵜⴻⵜⵜⵓⵙⵏⵎⴰⵍⴰ ⵜⵙⵓⵜⵍⵜ ⴰⴷ ⴳ ⵡⴰⵎⵎⴰⵙ ⵏ ⵜⴳⵎⵉ ⵏ ⵜⵣⵎⵎⴰⵔ ⵏ ⵜⵙⵏⴱⴹⴰⵢⵉⵏ ⵜⵉⵥⵕⴼⴰⵏⵉⵏ, ⴳ ⵕⵕⴱⴰⵟ, ⴳ ⵜⵉⵣⵉ ⵙⴳ 16 ⴰⵔ 19 ⵉⴱⵔⵉⵔ 2024, ⵙ ⵡⵓⵜⵓⵢ ⵏ ⵉⵏⴱⴹⴰ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⴳ ⵍⵎⵖⵔⵉⴱ.
ⴰⵔ ⵜⵙⵎⵓⵏⴰ ⵜⵙⵏⵜⴰⵢⵜ ⴰⴷ, ⵏⵏⴰ ⵉⵜⵜⴰⵡⵣⵣⴳⴰⵔⵏ ⵙ ⵓⴷⵔⴰⵡ ⴷ ⵡⴰⴼⵕⵓⵙⴰⵢ, ⴰⵜⵜⴰⵢⵏ ⵏ 30 ⵏ ⵓⵏⴱⴹⵓ ⴷ ⵓⵎⵣⵣⵔⴰⵢ ⵉⴹⴼⴰⵕⵏ 12 ⵏ ⵓⴳⵔⴰⵡ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⵙⴳ ⵉⵡⴰⵏⴽⵏ ⵉⴼⵔⵉⵇⵉⵢⵏ ⴰⵎ ⴱⵉⵏⵉⵏ ⴷ ⴱⵓⵕⴽⵉⵏⴰ ⴼⴰⵚⵓ ⴷ ⴱⵓⵕⵓⵏⴷⵉ ⴷ ⴽⴰⵎⵉⵕⵓⵏ ⴷ ⵊⵉⴱⵓⵜⵉ ⴷ ⴳⴰⴱⵓⵏ ⴷ ⵖⵉⵏⵢⴰ ⴷ ⵖⵉⵏⵢⴰ ⴱⵉⵙⴰⵡ ⴷ ⵜⴳⴷⵓⴷⴰⵏⵜ ⵜⴰⴷⵉⵎⵓⵇⵕⴰⵟⵉⵜ ⵏ ⴽⵓⵏⴳⵓ ⴷ ⵙⴰⵡ ⵜⵓⵎⵉ ⴷ ⴱⵔⵉⵏⵙⵉⴱ ⴷ ⵙⵙⵉⵏⵉⴳⴰⵍ ⴷ ⵍⵎⵖⵔⵉⴱ.
ⴷⴰⵢ ⵜⵡⴰⵜⵜⵙ ⵜⵙⵓⵜⵍⵜ ⴰⴷ ⵜⴰⵙⵎⴰⵜⵜⴰⴳⵜ ⴳ ⵓⵎⵣⵡⴰⵔⵓ ⴰⵙⴷⵓⵙ ⵏ ⵏ ⵜⵙⵏⵉⴳⵉⵜⵉⵏ ⵜⵉⵣⵣⵓⵍⴰⵏⵉⵏ ⵏ ⵉⵎⴷⵔⴰⵡⵏ ⵏ ⵓⴱⴰⵔⴰⵣ ⵏ ⵓⵙⵓⵜⴳ ⵏ ⵜⵡⵓⵔⵉ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ. ⵔⴰⴷ ⵉⵥⴹⵉⵕⵏ ⵉⵎⴷⵔⴰⵡⵏ ⴳ ⵜⴳⵉⵔⴰ ⵏ ⵜⵙⵓⵜⵍⵜ ⴰⴷ, ⴰⴷ ⵙⵙⵓⵜⴳⵏ ⵜⴰⵡⵓⵔⵉ ⵏ ⵉⴳⵔⴰⵡⵏ ⵏⵏⵙⵏ ⵙ ⵓⵙⵎⵔⵙ ⵏ ⵓⵙⴰⵜⵉ ⵏ SAI-PMF, ⵜⴰⴼⴰ ⴰⴷ ⵢⵉⵍⵉ ⵓⵙⵖⵓⴷⵓ ⵏ ⵜⵡⵓⵔⵉⵡⵉⵏ ⵏⵏⵙⵏ ⴷ ⵓⵙⵉⵍⵉ ⵏ ⵜⵓⵙⵓⵔⵜ ⵏⵏⵙⵏ ⴳ ⵜⵓⴷⵔⵜ ⵏ ⵉⵏⵎⵓⵔⴰⵏ.