ⵉⴷⵔⴰ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵙ ⵢⴰⵏ ⵓⴽⴰⴱⴰⵕ ⵏⵏⴰ ⵜⵙⵙⵉⵅⴼ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⵣⵉⵏⴱ ⵍⵄⴰⴷⴰⵡⵉ, ⴳ ⵉⵎⵓⵙⵙⵓⵜⵏ ⵏ ⵜⵎⵓⵏⵜ ⵜⴰⵎⴰⴹⵍⴰⵏⵜ ⵏ ⵜⵏⴱⴰⴹⵉⵏ ⵏⵏⴰ ⵉⵜⵜⵓⵙⵏⵎⴰⵍⴰⵏ ⴳ ⴷⵓⴱⴰⵢⵢ ⴳ ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵎⵓⵏⵏⵉⵏ ⵏⴳⵔ 12 ⴷ 14 ⴱⵕⴰⵢⵕ 2024, ⴷⴷⵓ ⵜⵎⴰⵜⴰⵔⵜ "ⴰⵙⵏⵉⵎⴰⵍ ⵏ ⵜⵏⴱⴰⴹⵉⵏ ⵏ ⵉⵎⴰⵍ".
ⴳ ⵓⵙⴰⵜⵉ ⴰⴷ, ⵜⴱⵣⵔ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⴳ ⵉⵎⵓⵙⵙⵓⵜⵏ ⵏ ⵜⵎⵓⵏⵜ ⵎⴰⵙ ⵜⴳⴰ ⵜⴰⵎⵙⵉⵡⵍⵜ ⴳ ⵢⴰⵜ ⵜⵖⵉⵎⵉⵜ ⵏ ⵓⵎⵙⴰⵡⴰⵍ ⵎⵓ ⵢⴰⵜⵜⵓⵢ ⵓⵙⵡⵉⵔ ⵅⴼ ⵉⵎⵔⵙⵉ "ⵜⴰⵎⵙⵜⴳⴳⴰⵔⵜ ⵉⵙⵙⵓⵔⵏ ⴳ ⵓⴼⵔⴰⴳ ⵏ ⵉⵙⵓⴳⴰⵎ ⵉⵎⴰⵜⴰⵢⵏ", ⴰⴽⴷ ⵎⴰⵙⵙ ⵃⵓⵙⴰⵎ ⵄⴱⴷ ⵍⵎⵓⵃⵙⵉⵏ ⵍⵄⴰⵏⵇⴰⵔⵉ, ⴰⵏⵙⵙⵉⵅ ⵏ ⵓⴱⵔⵙⵉⵔⴰ ⴰⵎⴰⵜⴰⵢ ⵏ ⵜⵎⵙⵙⵉⴹⵜ ⴳ ⵜⴳⵍⴷⵉⵜ ⵜⴰⵄⵕⴰⴱⵜ ⵜⴰⵙⴰⵄⵓⴷⵉⵜ, ⴷ ⵓⵎⵖⴰⵔ ⵄⴰⵎⵕⵓ ⵄⴰⴷⵉⵍ ⵃⴰⵙⴰⵏⵉ, ⴰⵏⵙⵙⵉⵅⴼ ⵏ ⵓⴳⵔⴰⵡ ⵏ ⵓⴳⴳⵉⵡⵙ ⴰⵎⵙⵙⵓⴳⵓⵔ ⴳ ⵜⴳⵓⴷⵓⴷⴰⵏⵜ ⵜⴰⵄⵕⴰⴱⵜ ⵏ ⵎⵉⵚⵕ, ⴷ ⵎⴰⵙⵙⴰ ⴱⵔⵉⵊⵉⵜ ⵙⵜⵔⵓⴱⵍ, ⵜⴰⵏⵙⵙⵉⵅⴼⵜ ⵏ ⵡⴰⵢⵢⴰⵡ ⵏ ⵓⴳⵓⴼⵙⵓ ⴷ ⵉⴱⴽⴽⵉⴹⵏ ⵉⴷⵎⵙⴰⵏⵏ ⴳ ⵓⵙⵡⵉⵔⴰ ⵏ ⵜⵎⵜⵜⴰ ⵉⵎⵓⵏⵏ ⵉⵥⵍⵉⵏ ⵙ ⵉⵙⴷⵓⵀⴷⵓⵜⵏ ⴷ ⵓⴱⴽⴽⵉⴹ, ⴷ ⵎⴰⵙⵙⴰ ⵜⴰⵙⴽⴰⵏⵉ ⵎⴰⵍⵓⵍⵉⴽⵉ, ⵜⴰⵎⵣⵣⵔⴰⵢⵜ ⵜⴰⵎⴰⵜⴰⵢⵜ ⵏ ⵜⴳⴷⵓⴷⴰⵏⵜ ⵏ ⵢⵉⴼⴼⵓⵙ ⵏ ⵡⴰⴼⵔⵉⵇⵢⴰ. ⵜⵥⵍⵉ ⵜⵖⵉⵎⵉⵜ ⵙ ⵓⵙⵏⵄⵜ ⵏ ⵜⵉⵍⴰⵍⵜ ⵏ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴳ ⵉⴳⵔⴰⵡⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴳ ⵓⴼⵔⴰⴳ ⵏ ⵉⵙⵓⴳⴰⵎ ⵉⵎⴰⵜⴰⵢⵏ, ⴷ ⵉⵎⴰⵙⵙⵏ ⵏ ⵓⵙⴷⵓⵙ ⵏ ⵉⴷⵔⴰⵡⵏ ⵉⵎⵔⵙⴰⵍⵏ ⵏⴳⵔ ⵉⴳⵔⴰⵡⵏ ⵉ ⵓⵙⴷⵓⵙ ⵏ ⵡⴰⵜⵉⴳⵏ ⵏ ⵜⵣⴷⴳⵉ ⴷ ⵜⵙⵓⵙⵖⵜ ⴷ ⵓⵙⵇⵙⵉ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⵙⴳⴰⵡⴰⵏ ⴷ ⵓⴳⵔⴰⵖⵍⴰⵏ.
ⴷⴰⵢ ⵜⵙⴷⴷⵉⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵜⴰⵎⵣⵡⴰⵔⵓⵜ ⴳ ⵜⴽⵛⵛⵓⵎⵜ ⵏⵏⵙ ⵅⴼ ⵜⵉⵍⴰⵍⵜ ⵏ ⵉⴳⵔⴰⵡⵏ  ⵢⴰⵜⵜⵓⵢⵏ ⵏ ⵓⴳⴳⵉⵡⵙ ⴰⵥⵕⴼⴰⵏ ⴷ ⵜⵎⵙⵙⵉⴹⵏⵜ, ⴰⵛⵛⵉⵍ ⵏ ⵓⴹⴰⴽⴰⵍ ⵏ ⵜⵙⵉⵎⴰⵏⵜ ⵏ ⵉⴳⵔⴰⵡⵏ ⴰⴷ ⴷ ⵜⵡⵓⵔⵉ ⵏⵏⵙⵏ ⵙ ⵜⵔⴰⵡⵙⴰⵏⵜ ⵜⴰⴼⴰ ⴰⴷ ⵜⵙⴽⵔ ⵜⵉⵙⵎⵉⴳⴰⵍ ⵏⵏⵙ ⵎⵍⵉⵃ, ⴷⴰⵢ ⵜⵙⴷⴷⵉⴷ ⴰⵛⵛⵉⵍ ⵏ ⵓⴱⵣⴰⵔ ⵏ ⵜⴰⵏⴰⴹⵉⵏ ⴳ ⵓⵙⵔⵓⵙ ⵏ ⵜⵓⵙⵓⵔⵜ ⴷ ⵓⵙⵖⵓⴷⵓ ⵏ ⵜⵡⵓⵔⵉ ⴷ ⵓⵙⵏⵉⵎⴰⵍ ⵏ ⵉⵎⵉⵣⴰⵏ, ⵎⴽⴷⴰ ⵜⵙⵙⵉⵡⵍ ⵅⴼ ⵜⵉⵍⴰⵍⵜ ⵏ ⵜⵎⴳⴳⵉⵜ ⵏ ⵓⵙⵎⵓⴽⵏ ⵉⵣⴷⵉⵏ ⴷ ⵜⵎⵙⴰⵙⵜⵍⵜ ⴷ ⵉⵙⴽⴽⵉⵏⵏ ⵉⵥⵕⴼⴰⵏⵏ ⴳ ⵉⵔⵉⵔⵉ ⵏ ⵉⴷⵔⵉⵎⵏ ⴷ ⵓⵙⵏⵓⵎ ⵏ ⵉⵎⴰⵍⴰⴷⵏ ⴰⵡⴷ ⴰⴼⵙⴰⵔ ⵏ ⵜⴰⵏⴰⴹⵉⵏ ⵏ ⵓⴳⴳⵉⵡⵙ ⴳ ⵓⵙⴷⵓⵙ ⵏ ⵜⵉⵍⴰⵍⵜ ⵏ ⵓⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ ⵍⵍⵉⴳ ⵉⴳⴰ ⴰⴳⵔⴰⵡ ⵢⴰⵜⵜⵓⵢⵏ ⵏ ⵡⴰⵏⵏⴰⵍ ⵏ ⵉⵎⵏⵣⴰⵢⵏ ⵏ ⵜⵙⵓⵙⵖⵜ ⴷ ⵜⵎⵙⵙⵉⴹⵏⵜ.
ⵉⵇⵇⴰⵏ ⴷ ⵓⴱⴷⴰⵔ ⵉⵙ ⵉⴳⵔⴰⵡⵏ ⵢⴰⵜⵜⵓⵢⵏ ⵏ ⵓⴳⴳⵉⵡⵙ, ⵣⵣⵉⴳⵙⵏ ⴰⵙⵇⵇⵉⵎ ⴰⵏⴰⴼⵍⵍⴰ ⵏ ⵉⵙⵉⴹⵏⵏ, ⴷⵔⴰⵏ ⴳ ⵜⵉⴽⴽⵍⵜ ⵜⴰⵎⵣⵡⴰⵔⵓⵜ ⴳ ⵉⵎⵓⵙⵙⵓⵜⵏ ⵏ ⵜⵎⵓⵏⵜ ⴰⴷ ⵙⴳ ⵜⵓⵚⴽⴰ ⵏⵏⵙ ⵙⴳ ⵓⵙⴳⴳⵯⴰⵙ ⵏ 2013, ⴷ ⴰⵔ ⵉⵎⵎⴰⵍ ⵓⵢⴰⴷ ⵜⵉⵍⴰⵍⵜ ⵜⴰⵅⴰⵜⴰⵔⵜ ⵉⵍⵍⴰⵏ ⵖⵔ ⵉⴳⵔⴰⵡⵏ ⴰⴷ ⴳ ⵜⵙⵉⵍⴰⵡⵜ ⵏ ⵜⵙⵜⵔⴰⵜⵉⵊⵉⵢⵉⵏ ⵏ ⵜⵏⴱⴰⴹⵉⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⵙⵍⴰⵡⴰⵏ ⴰⴽⴽⵯ ⴳ ⵢⵉⴳⵔ ⵏ ⵓⵙⴱⴷⴷⵉ ⵏ ⵓⴳⵓⴼⵙⵓ ⴷ ⵓⵙⴷⵓⵙ ⵏ ⵡⴰⵜⵉⴳⵏ ⵏ ⵜⵏⵏⵓⴱⴹⴰ ⴷ ⵓⵙⵇⵙⵉ.